يسەكەشەۆ استانا ۆوكزالىندا جٷرگەن زاڭسىز تاكسي جٷرگٸزۋشٸلەرٸن قۋىپ جٸبەرۋدٸ تاپسىردى (ۆيدەو)

- استانا قالاسىنىڭ ەكٸمٸ ەسەت يسەكەشەۆ ەلوردانىڭ تەمٸرجول ۆوكزالىنىڭ ماڭىنداعى جاعدايدى تەكسەردٸ, دەپ حابارلايدى "ۇلت اقپارات".

تەمٸرجول ۆوكزالى مەن «ساپارجاي» باسشىلارى ەكٸمگە مەلٸم ەتكەندەي, ۆوكزال ماڭىنداعى اقىلى اۆتوتۇراق جٷيەسٸ ەۋەجاي ماڭىنداعى اتۆوتۇراق سيياقتى جۇمىس ٸستەيدٸ. بۇل جەردە دە باستاپقى 20 مينۋتى تەگٸن بولسا, كەيٸن ەر ساعاتى ٷشٸ 200 تەڭگە الىنادى. تەگٸن ورىندار اككرەديتاتسييادان ٶتكەن تاكسي جٷرگٸزۋشٸلەرٸنە عانا بەرٸلەدٸ.

ال, «ساپارجاي» اۆتوۆوكزالىمەن ىنتىماقتاستىققا كەلمەگەن تاكسي جٷرگٸزۋشٸلەرٸنە تەگٸن ورىندار بەرٸلمەيدٸ. بۇل تاكسي جٷرگٸزۋشٸلەرٸ كٶبٸنە استانا-پاۆلودار, استانا -قاراعاندى, استانا-كٶكشەتاۋ باعىتتارىندا جولاۋشى تاسىمالداپ كەلەدٸ. ەگەر ولار اككرەديتاتسييادان ٶتپەسە, باسقا اۆتوكٶلٸك يەلەرٸ سيياقتى اقشا تٶلەيتٸن بولادى.

سونداي-اق, قالا باسشىسى ەسەت يسەكەشەۆ مٷگەدەكتەرگە ارنالعان ورىنداردى دايىنداۋدى تاپسىردى.

«بۇل جەردٸ رەتكە كەلتٸرۋ ٷشٸن قانشا ۋاقىت كەرەك?» دەگەن ەكٸمنٸڭ سۇراعىنا جاۋاپتى ادامدار 10 قاڭتارعا دەيٸن جولاۋشىلار لەگٸ كٶپ بولاتىنىن, سوندىقتان, ٶزگەرٸستەردٸ مەرەكەلەردەن كەيٸن ەنگٸزۋ كەرەكتٸگٸن ايتتى. بٸراق, حالىققا تٷسٸندٸرۋ جۇمىستارى قازٸردەن باستالادى.

«10 قاڭتارعا دەيٸن پاركينگ دە, مٷگەدەكتەرگە ارنالعان ورىن دا, تاكسيلەر دە رەتتەلەتٸن بولسىن,-دەپ تاپسىردى قالا باسشىسى.

ايتا كەتەيٸك, استانا تۇرعىندارى مەن قوناقتارى تەمٸرجول ۆوكزالىنىڭ ماڭىندا كەلٸپ-كەتۋشٸلەر ٷشٸن كٶلٸك قوياتىن ورىن جوق ەكەنٸن جەنە ۆوكزالدان شىققان كەزدە, تاكسيلەر جول بەرمەيتٸنٸن ايتىپ, ەكٸمگە شاعىم تٷسٸرگەن بولاتىن.