فوتو: QyzPU باسپاسٶز قىزمەتٸ
21-22 قاراشا ارالىعىندا قازاق ۇلتتىق قىزدار پەداگوگيكالىق ۋنيۆەرسيتەتٸندە «Tech QyzPU Niğde Hack: AI جەنە جۇمىسشى ماماندىقتار» تاقىرىبىندا حالىقارالىق حاكاتون ٶتتٸ, دەپ حابارلايدى Ult.kz.
ٸس-شارا مەملەكەت باسشىسى قاسىم-جومارت توقاەۆتىڭ جۇمىسشى ماماندىقتارىنىڭ بەدەلٸن ارتتىرۋ جٶنٸندەگٸ باستاماسىن قولداۋ ماقساتىندا ۇيىمداستىرىلىپ وتىر. سونىمەن قاتار حاكاتون پرەزيدەنتتٸڭ جىل سايىنعى جولداۋىندا كٶرسەتٸلگەن تسيفرلاندىرۋ مەن جاساندى ينتەللەكتتٸ دامىتۋعا قاتىستى تاپسىرمالاردى جٷزەگە اسىرۋعا ٷلەس قوسپاق.
جوبا تٷركييا رەسپۋبليكاسىنىڭ نييدە ٶمەر حاليسدەمير ۋنيۆەرسيتەتٸ جەنە نييدە تەحنوپاركٸمەن جاسالعان ەكٸجاقتى كەلٸسٸم اياسىندا ٶتتٸ.
حاكاتوننىڭ اشىلۋىندا باسقارما تٶراعاسى – رەكتور مٸندەتٸن اتقارۋشى سەبيت سۋاتاي سٶز سٶيلەپ, شارانىڭ ماڭىزدىلىعىنا توقتالدى.
«حاكاتون – سايىس قانا ەمەس, يننوۆاتسييا مەن شىعارماشىلىقتىڭ مەرەكەسٸ. بٸزدٸڭ ۋنيۆەرسيتەت جاساندى ينتەللەكت, تسيفرلىق پەداگوگيكا, IT جەنە EdTech باعىتتارىندا ماڭىزدى جوبالاردى جٷزەگە اسىرىپ كەلەدٸ. سوندىقتان بۇل حاكاتون بٸزدٸڭ ستراتەگييالىق ماقساتتارىمىزعا تولىق ساي كەلەدٸ», – دەدٸ سەبيت قۇرمانجانۇلى.
24 ساعاتتىق جارىستىڭ باستى ماقساتى – قىسقا مەرزٸم ٸشٸندە توپتىق جۇمىس ارقىلى يننوۆاتسييالىق باعدارلامالىق شەشٸمدەر ەزٸرلەۋ. بيىلعى دوداعا ەلٸمٸزدەگٸ ونعا جۋىق جوعارى وقۋ ورنىنان جيىرما التى كوماندا قاتىستى. ۇيىمداستىرۋشىلار بارلىق قاتىسۋشىنى جوعارى جىلدامدىقتى ينتەرنەتپەن, جۇمىس ورىندارىمەن, ەلەكتر قۋاتىمەن قامتاماسىز ەتٸپ, تاماق پەن سۋسىنداردى تەگٸن ۇسىندى.
«بٸز بۇل شارانى تەك جارىس رەتٸندە ەمەس, جاڭا كەزەڭگە باستايتىن, جاڭا مٷمكٸندٸكتەرگە جول اشار باسپالداق دەپ قارايمىز. سوندىقتان دا حاكاتونعا قاتىسقان ەربٸر قاتىسۋشىنى جەڭٸمپاز دەپ ەسەپتەيمٸز. وسى شارانىڭ ارقاسىندا الدا تالاي جەڭٸستەردٸڭ ەسٸگٸ اشىلادى دەگەن ويدامىن. نييدە ٶمەر حاليسدەمير ۋنيۆەرسيتەتٸ تاراپىنان دا ورتاق جوبالاردى جٷزەگە اسىرۋ ٷشٸن قادامدار جاسالىپ جاتىر», – دەدٸ نييدە ٶمەر حاليسدەمير ۋنيۆەرسيتەتٸ, كومپيۋتەر جەنە اقپاراتتىق عىلىمدار فاكۋلتەتٸنٸڭ دەكانى, دوكتور الپەر ايتەكٸن.
حاكاتوننىڭ سوڭىندا كوماندالار ٶز جوبالارىن QyzPU, نييدە ٶمەر حاليسدەمير ۋنيۆەرسيتەتٸ جەنە نييدە تەحنوپاركٸنٸڭ ٶكٸلدەرٸنەن تۇراتىن قازىلار القاسىنا ۇسىندى. باعالاۋ نەتيجەسٸندە بٸرٸنشٸ ورىنعا قازاق ۇلتتىق قىزدار پەداگوگيكالىق ۋنيۆەرسيتەتٸنٸڭ «NSA» كومانداسى يە بولدى. ەكٸنشٸ ورىنعا ەكٸ كوماندا – عۇماربەك دەۋكەەۆ اتىنداعى الماتى ەنەرگەتيكا جەنە بايلانىس ۋنيۆەرسيتەتٸنٸڭ جەنە مۇحامەتجان تىنىشباەۆ اتىنداعى ALT ۋنيۆەرسيتەتٸنٸڭ كومانداسى لايىق دەپ تانىلدى. ال ٷشٸنشٸ ورىن م.ح. دۋلاتي اتىنداعى تاراز ۋنيۆەرسيتەتٸنٸڭ, الماتى تەحنولوگييالىق ۋنيۆەرسيتەتٸنٸڭ جەنە QyzPU كوماندالارىنا بەرٸلدٸ.
جەڭٸمپاز اتانعان قازاق ۇلتتىق قىزدار پەداگوگيكالىق ۋنيۆەرسيتەتٸنٸڭ «NSA» كومانداسى ٶز قۋانىشتارىمەن بٶلٸستٸ:
«الدىڭعى جىلى دا قاتىسىپ, 3-ورىندى يەلەنگەن ەدٸك. بيىل قاۋٸپسٸزدٸك مەسەلەسٸ ٶزەكتٸ بولعاندىقتان, وسى كەيستٸ تاڭدادىق. ٷشەۋمٸز مٸندەتتەردٸ ٶزارا بٶلٸسٸپ الىپ, 24 ساعات بويى بار كٷشٸمٸزدٸ سالىپ جۇمىس ٸستەدٸك. الداعى ۋاقىتتا جاساندى ينتەللەكت باعىتىندا تەجٸريبەمٸزدٸ ودان ەرٸ دامىتقىمىز كەلەدٸ. تٷركيياعا بۇدان دا جاقسى دايىندىقپەن بارۋدى جوسپارلاپ وتىرمىز. ۋنيۆەرسيتەتٸمٸزدٸڭ اتىن شىعارىپ, ٷلكەن جەتٸستٸكتەرگە جەتەمٸز دەپ سەنەمٸز», – دەدٸ توپ مٷشەسٸ, 4 كۋرس ستۋدەنتٸ نازەركە تۇرعانبەك.
جەڭٸمپازدارعا قارجىلاي سەرتيفيكاتتار تابىستالىپ, بٸرٸنشٸ ورىن يەگەرٸنە قوسىمشا تٷركيياداعى نييدە تەحنوپاركٸنٸڭ اكسەلەراتسييالىق باعدارلاماسىنا قاتىسۋ سەرتيفيكاتى ۇسىنىلدى.
.jpeg)
