Qazaqstanda ipotekalyq nesie alǵan azamattarǵa birqatar salyqtyq jeńildikter bar, dep habarlaidy "Ult aqparat" memlekettik kirister komitetine silteme jasap.
«Turǵyn úi qurylys jinaq banki» AQ-nan ipotekalyq nesie alǵan jeke tulǵa syiaqylar boiynsha salyqtyq shegerim qoldanýyna quqyǵy bar.
Syiaqylar boiynsha salyqtyq shegerimdi salyq agenti (jumys berýshi) qoldanatyndyqtan, jeke tulǵalar bul jeńildikti qoldaný úshin salyq agentine (jumys berýshige) kelesi qujattardy usynýy qajet:
1) jeke tulǵanyń salyqtyq shegerimderdi qoldaný týraly ótinishi;
2) rastaityn qujattardyń kóshirmeleri.
Rastaityn qujattarǵa mynalar jatady:
1) Qazaqstan Respýblikasynyń aýmaǵynda turǵyn úi jaǵdailaryn jaqsartý jónindegi is-sharalardy júrgizýge «Turǵyn úi qurylys jinaq banki» AQ-men jasalǵan ipotekalyq turǵyn úi qaryzynyń sharty;
2) syiaqy somalary bólip kórsetilgen ipotekalyq turǵyn úi qaryzyn óteý kestesi;
3) osyndai qaryz boiynsha syiaqynyń ótelgenin rastaityn qujat (túbirtek).
Bul qujattardyń kóshirmeleri bes jyl boiy salyq agentinde saqtalady. Jeke tulǵanyń osy salyqtyq shegerimin tek bir salyq agentinde qoldanýǵa quqyǵy bar ekenin eskergen jón.
Syiaqylar boiynsha salyqtyq shegerimdi jeke tulǵa óz paidasyna jumsalǵan, Qazaqstan Respýblikasynyń aýmaǵynda turǵyn úi jaǵdailaryn jaqsartý jónindegi is-sharalardy júrgizýge turǵyn úi qurylysy jinaq bankterinen alynǵan ipotekalyq turǵyn úi qaryzdary boiynsha syiaqyny tóleýge arnalǵan shyǵystar boiynsha qoldanady.
Jeke tulǵalar 2020 jyldyń 1 qańtarynan bastap basqa bankter men jekelegen banktik operatsiialaryn júzege asyratyn uiymdardan alynǵan ipotekalyq turǵyn úi qaryzdarynyń syiaqylary boiynsha salyqtyq shegerimdi qoldaný quqyǵyna ie bolady.
