قازاقستاندا يپوتەكالىق نەسيە العان ازاماتتارعا بٸرقاتار سالىقتىق جەڭٸلدٸكتەر بار, دەپ حابارلايدى "ۇلت اقپارات" مەملەكەتتٸك كٸرٸستەر كوميتەتٸنە سٸلتەمە جاساپ.
«تۇرعىن ٷي قۇرىلىس جيناق بانكٸ» اق-نان يپوتەكالىق نەسيە العان جەكە تۇلعا سىياقىلار بويىنشا سالىقتىق شەگەرٸم قولدانۋىنا قۇقىعى بار.
سىياقىلار بويىنشا سالىقتىق شەگەرٸمدٸ سالىق اگەنتٸ (جۇمىس بەرۋشٸ) قولداناتىندىقتان, جەكە تۇلعالار بۇل جەڭٸلدٸكتٸ قولدانۋ ٷشٸن سالىق اگەنتٸنە (جۇمىس بەرۋشٸگە) كەلەسٸ قۇجاتتاردى ۇسىنۋى قاجەت:
1) جەكە تۇلعانىڭ سالىقتىق شەگەرٸمدەردٸ قولدانۋ تۋرالى ٶتٸنٸشٸ;
2) راستايتىن قۇجاتتاردىڭ كٶشٸرمەلەرٸ.
راستايتىن قۇجاتتارعا مىنالار جاتادى:
1) قازاقستان رەسپۋبليكاسىنىڭ اۋماعىندا تۇرعىن ٷي جاعدايلارىن جاقسارتۋ جٶنٸندەگٸ ٸس-شارالاردى جٷرگٸزۋگە «تۇرعىن ٷي قۇرىلىس جيناق بانكٸ» اق-مەن جاسالعان يپوتەكالىق تۇرعىن ٷي قارىزىنىڭ شارتى;
2) سىياقى سومالارى بٶلٸپ كٶرسەتٸلگەن يپوتەكالىق تۇرعىن ٷي قارىزىن ٶتەۋ كەستەسٸ;
3) وسىنداي قارىز بويىنشا سىياقىنىڭ ٶتەلگەنٸن راستايتىن قۇجات (تٷبٸرتەك).
بۇل قۇجاتتاردىڭ كٶشٸرمەلەرٸ بەس جىل بويى سالىق اگەنتٸندە ساقتالادى. جەكە تۇلعانىڭ وسى سالىقتىق شەگەرٸمٸن تەك بٸر سالىق اگەنتٸندە قولدانۋعا قۇقىعى بار ەكەنٸن ەسكەرگەن جٶن.
سىياقىلار بويىنشا سالىقتىق شەگەرٸمدٸ جەكە تۇلعا ٶز پايداسىنا جۇمسالعان, قازاقستان رەسپۋبليكاسىنىڭ اۋماعىندا تۇرعىن ٷي جاعدايلارىن جاقسارتۋ جٶنٸندەگٸ ٸس-شارالاردى جٷرگٸزۋگە تۇرعىن ٷي قۇرىلىسى جيناق بانكتەرٸنەن الىنعان يپوتەكالىق تۇرعىن ٷي قارىزدارى بويىنشا سىياقىنى تٶلەۋگە ارنالعان شىعىستار بويىنشا قولدانادى.
جەكە تۇلعالار 2020 جىلدىڭ 1 قاڭتارىنان باستاپ باسقا بانكتەر مەن جەكەلەگەن بانكتٸك وپەراتسييالارىن جٷزەگە اسىراتىن ۇيىمداردان الىنعان يپوتەكالىق تۇرعىن ٷي قارىزدارىنىڭ سىياقىلارى بويىنشا سالىقتىق شەگەرٸمدٸ قولدانۋ قۇقىعىنا يە بولادى.
