21 maýsym kúni keshke Qatardyń Ras-Laffan ónerkásiptik qalasynda jarylys bolyp, artynsha órt shyqty. Bul aimaqta eldiń tabiǵi gaz eksportyna arnalǵan negizgi terminal ornalasqan, dep habarlaidy ult.kz.
QatarEnergy kompaniiasynyń málimetinshe, oqiǵa gaz jetkizý kásipornynda óndiristi qaita iske qosý kezinde bolǵan. Aldyn ala aqparat boiynsha, jarylysqa tehnikalyq aqaý sebep bolǵan.
Qatar Ishki ister ministrligi de apattyń tehnikalyq sebepten bolǵanyn rastady.
Eske salsaq, buǵan deiin Ras-Laffan nysany Irannyń soqqysyna ushyrap, birneshe apta boiy jumysyn toqtatqan edi. Jarylys óndiristi qaita iske qosý jumystary júrip jatqan sátte bolǵan.
Sońǵy málimet boiynsha, oqiǵa saldarynan 54 adam túrli deńgeide jaraqat aldy. Taǵy 18 adam habar-osharsyz ketkenderdiń qatarynda.
