21 ماۋسىم كٷنٸ كەشكە قاتاردىڭ راس-لاففان ٶنەركەسٸپتٸك قالاسىندا جارىلىس بولىپ, ارتىنشا ٶرت شىقتى. بۇل ايماقتا ەلدٸڭ تابيعي گاز ەكسپورتىنا ارنالعان نەگٸزگٸ تەرمينال ورنالاسقان, دەپ حابارلايدى ult.kz.
QatarEnergy كومپانيياسىنىڭ مەلٸمەتٸنشە, وقيعا گاز جەتكٸزۋ كەسٸپورنىندا ٶندٸرٸستٸ قايتا ٸسكە قوسۋ كەزٸندە بولعان. الدىن الا اقپارات بويىنشا, جارىلىسقا تەحنيكالىق اقاۋ سەبەپ بولعان.
قاتار ٸشكٸ ٸستەر مينيسترلٸگٸ دە اپاتتىڭ تەحنيكالىق سەبەپتەن بولعانىن راستادى.
ەسكە سالساق, بۇعان دەيٸن راس-لاففان نىسانى يراننىڭ سوققىسىنا ۇشىراپ, بٸرنەشە اپتا بويى جۇمىسىن توقتاتقان ەدٸ. جارىلىس ٶندٸرٸستٸ قايتا ٸسكە قوسۋ جۇمىستارى جٷرٸپ جاتقان سەتتە بولعان.
سوڭعى مەلٸمەت بويىنشا, وقيعا سالدارىنان 54 ادام تٷرلٸ دەڭگەيدە جاراقات الدى. تاعى 18 ادام حابار-وشارسىز كەتكەندەردٸڭ قاتارىندا.
