Memleket basshysynyń Jarlyǵymen Ǵali Nájimedenuly Esqaliev Batys Qazaqstan oblysynyń ákimi bolyp taǵaiyndaldy, dep habarlaidy "Ult aqparat" Aqordanyń baspasóz qyzmetine silteme jasap.
Qazaqstan Respýblikasynyń Prezidenti Qasym-Jomart Toqaev Ǵ.N. Esqalievti Batys Qazaqstan oblysynyń ákimi qyzmetine taǵaiyndaý týraly Jarlyqqa qol qoidy.
Ǵali Esqaliev 1970 jyly týǵan, bilimi joǵary. Batys Qazaqstan agrarlyq ýniversitetin «ekonomika», Halyqaralyq biznes akademiiasyn «menedjment» mamandyqtary boiynsha bitirgen.
Ár jyldary «Turan-Álem bank» AQ Oral qalasyndaǵy filialynda maman, bólim basshysy, «Temirbank» AQ filialynyń direktory, BQO Kásipkerlikti qoldaý jáne damý departamentiniń direktory, «Qazaqstan damý banki» AQ atqarýshy direktory, vitse-prezidenti, basqarma tóraǵasy, Jambyl oblysy ákiminiń orynbasary, Aqtóbe oblysy ákiminiń orynbasary, Astana qalasy ákimdigi qalalyq Ortany regeneratsiialaý basqarmasynyń basshysy, Jambyl, Aqtóbe oblystary ákiminiń orynbasary, Batys Qazaqstan oblysy ákiminiń birinshi orynbasary bolyp jumys istegen.
Aita keteiik, Ǵali Esqalievtiń ákesi Nájimeden Esqaliev 1986 jyldan 1993 jylǵa deiin Oral (qazirgi Batys Qazaqstan) oblysyn basqarǵan bolatyn.
