2000 jylǵy Olimpiadanyń chempiony Ermahan Ibraiymov Gennadii Golovkindi ringten ádemi ketý keregin aitady. Ol Sports.kz portalyna bergen suhbatynda Golovkinge meksikalyq Saýl «Kanelo» Alvareske qarsy úshinshi jekpe-jekke shyqpaý qajettigin aitty.
«Ýaqyt eshkimdi aiamaidy. Sondyqtan Golovkinge bir-eki jekpe-jek qana ótkizýi kerek, degenmen esh ýaqytta Alvarespen kezdesýdiń qajeti joq» dedi Olimpiada chempiony.
Óitkeni Ermahan Ibariymov Alvarestiń jyldamdyǵy men tehnikasy myqty ekenin alǵa tartady.
«Endigi Golovkinniń jyldamdyǵy jetpeidi. Alvares jyldamyraq. Bul ýaqyttyń ótkenin bildiredi. Ringten ádemi ketip, kásipqoi boksta menedjer nemese promoýter bolý kerek. Ózim de ringke shyǵyp judyryqtastym, sondyqtan ýaqytty moiyndaý kerek ekenin bilemin» deidi ol.
Burynǵy Olimpiada chempiony Golovkinniń Qazaqstandy tanytýdaǵy eren eńbegin aita kele, ony laiyqty baǵalaitynyn, degenmen barlyǵy aiaqtalatyn ýaqyt keletinin jetkizdi.
