2000 جىلعى وليمپيادانىڭ چەمپيونى ەرماحان يبرايىموۆ گەنناديي گولوۆكيندٸ رينگتەن ەدەمٸ كەتۋ كەرەگٸن ايتادى. ول Sports.kz پورتالىنا بەرگەن سۇحباتىندا گولوۆكينگە مەكسيكالىق ساۋل «كانەلو» الۆارەسكە قارسى ٷشٸنشٸ جەكپە-جەككە شىقپاۋ قاجەتتٸگٸن ايتتى.
«ۋاقىت ەشكٸمدٸ ايامايدى. سوندىقتان گولوۆكينگە بٸر-ەكٸ جەكپە-جەك قانا ٶتكٸزۋٸ كەرەك, دەگەنمەن ەش ۋاقىتتا الۆارەسپەن كەزدەسۋدٸڭ قاجەتٸ جوق» دەدٸ وليمپيادا چەمپيونى.
ٶيتكەنٸ ەرماحان يباريىموۆ الۆارەستٸڭ جىلدامدىعى مەن تەحنيكاسى مىقتى ەكەنٸن العا تارتادى.
«ەندٸگٸ گولوۆكيننٸڭ جىلدامدىعى جەتپەيدٸ. الۆارەس جىلدامىراق. بۇل ۋاقىتتىڭ ٶتكەنٸن بٸلدٸرەدٸ. رينگتەن ەدەمٸ كەتٸپ, كەسٸپقوي بوكستا مەنەدجەر نەمەسە پروموۋتەر بولۋ كەرەك. ٶزٸم دە رينگكە شىعىپ جۇدىرىقتاستىم, سوندىقتان ۋاقىتتى مويىنداۋ كەرەك ەكەنٸن بٸلەمٸن» دەيدٸ ول.
بۇرىنعى وليمپيادا چەمپيونى گولوۆكيننٸڭ قازاقستاندى تانىتۋداعى ەرەن ەڭبەگٸن ايتا كەلە, ونى لايىقتى باعالايتىنىن, دەگەنمەن بارلىعى اياقتالاتىن ۋاقىت كەلەتٸنٸن جەتكٸزدٸ.
