Ánshi Erke Esmahan prodiýser Baian Alagózovaǵa arnap áserli jazba jariialady, dep habarlaidy Ult.kz.
Óner iesi áleýmettik jelide Baian Alagózovany óziniń shyǵarmashylyq jolyndaǵy eń alǵashqy prodiýseri ári janashyry retinde atap ótti.
«Meni úlken sahnaǵa jetelegen, qoldaý kórsetken alǵashqy prodiýserim, janashyrym», - dep jazdy Erke Esmahan.
Sondai-aq ánshi sońǵy jyldary ekeýiniń arasyndaǵy erekshe sáikestikke nazar aýdarǵanyn aitty.
«Sońǵy jyldary Baian hanym jáne meniń eń kóp aitqan ánimiz besik qasyndaǵy “Áldi-áldi” boldy. Ómirdiń ádemi sáikestigine qarańyzshy… Dál qazir ekeýimiz de tátti uldar men qyzdardyń anasymyz», - dedi ol.
Jazbasynyń sońynda Erke Esmahan barsha áielge ana bolý baqytyn tilep, jyly lebizin jetkizdi.
Aita keteiik, Erke Esmahan shyǵarmashylyq jolyn Baian Alagózovanyń prodiýserlik ortalyǵynda bastaǵan. Keiin jeke shyǵarmashylyqqa bet burǵanymen, ánshi bul jazbasynda alǵashqy prodiýserine degen alǵysy men qurmetin bildirdi.
