Álemdik juldyz Enrike Iglesias óziniń Facebook jáne X resmi akkaýnttarynda qazaqstandyq sýretshi jáne bloger Ásel Sabyrjanqyzynyń jazbasyn bólisip, «See you soon Kazakhstan» («Jaqyn arada kezdeskenshe, Qazaqstan») dep jazdy, dep habarlaidy ult.kz.
Onyń Facebook paraqshasyna 49 million adam, al X-tegi akkaýntyna 10,9 million adam jazylǵan.
Ánshi qarapaiym keneptiń ornyna óz jumystarynda kilem qoldanatyn sýretshi Ásel Sabyrjanqyzynyń beineroligine repost jasady. Beinerolikte Enrike Iglesiastyń Ring My Bells áni mýzykalyq súiemeldeý retinde paidalanylǵan.
Rolik siýjeti boiynsha qyz onyń shyǵarmashylyqqa degen qushtarlyǵyn qoldamaityn kúieýimen bolǵan janjaldan keiin ǵimarattyń tóbesine kóterilip, aerozoldi boiaýlar men kilemdi kenep retinde qoldanyp, Enrike Iglesiastyń úlken portretin salady. Rolikke kommentarii retinde sýretshi oqyrmandarynan bul týyndyny Enrike Iglesias kórýi úshin ánshiniń akkaýntyn belgilep ketýin suraǵan.
Sýretshiniń tilegi eki kúnnen az ýaqytta oryndalyp, Enrike Iglesias bul jazbany baiqap, beineni óziniń Facebook jáne X resmi paraqshalarynda bólisti.
Bul repost paidalanýshylardyń nazaryn tez aýdaryp, Qazaqstandaǵy Enrike Iglesiastyń aldaǵy kontsertterine qyzyǵýshylyqty arttyrdy.
Enrike Iglesias – álemdik pop tarihyndaǵy eń tabysty oryndaýshylardyń biri. Billboard nusqasy boiynsha ol eń tanymal latynamerikalyq ánshi. Shyǵarmashylyq mansabynda ánshi 180 millionnan astam dana mýzykalyq relizderiniń kóshirmesin satqan.
Osy kúzde Enrike Iglesias Qazaqstanda alǵash ret jeke kontsertterimen óner kórsetedi. Kontsertter 3 qyrkúiekte Astanada jáne 5 qyrkúiekte Almatyda ótedi. Kórermenderdi búkil álem boiynsha ondaǵan myń jankúierlerdi jinaityn jandy daýystaǵy aýqymdy qoiylym jáne tolyqqandy álemdik shoý kútedi. Qazaqstandyq sahnalarda ártistiń basty hitteri oryndalady, olardyń arasynda Bailando, Hero, Escape, Tonight, Súbeme la Radio jáne basqalary bar.
Biletter qazirdiń ózinde Freedom SuperApp jáne Ticketon.kz qoljetimdi.
