ەلەمدٸك جۇلدىز ەنريكە يگلەسياس ٶزٸنٸڭ Facebook جەنە X رەسمي اككاۋنتتارىندا قازاقستاندىق سۋرەتشٸ جەنە بلوگەر ەسەل سابىرجانقىزىنىڭ جازباسىن بٶلٸسٸپ, «See you soon Kazakhstan» («جاقىن ارادا كەزدەسكەنشە, قازاقستان») دەپ جازدى, دەپ حابارلايدى ult.kz.
ونىڭ Facebook پاراقشاسىنا 49 ميلليون ادام, ال X-تەگٸ اككاۋنتىنا 10,9 ميلليون ادام جازىلعان.
ەنشٸ قاراپايىم كەنەپتٸڭ ورنىنا ٶز جۇمىستارىندا كٸلەم قولداناتىن سۋرەتشٸ ەسەل سابىرجانقىزىنىڭ بەينەروليگٸنە رەپوست جاسادى. بەينەروليكتە ەنريكە يگلەسياستىڭ Ring My Bells ەنٸ مۋزىكالىق سٷيەمەلدەۋ رەتٸندە پايدالانىلعان.
روليك سيۋجەتٸ بويىنشا قىز ونىڭ شىعارماشىلىققا دەگەن قۇشتارلىعىن قولدامايتىن كٷيەۋٸمەن بولعان جانجالدان كەيٸن عيماراتتىڭ تٶبەسٸنە كٶتەرٸلٸپ, اەروزولدٸ بوياۋلار مەن كٸلەمدٸ كەنەپ رەتٸندە قولدانىپ, ەنريكە يگلەسياستىڭ ٷلكەن پورترەتٸن سالادى. روليككە كوممەنتاريي رەتٸندە سۋرەتشٸ وقىرماندارىنان بۇل تۋىندىنى ەنريكە يگلەسياس كٶرۋٸ ٷشٸن ەنشٸنٸڭ اككاۋنتىن بەلگٸلەپ كەتۋٸن سۇراعان.
سۋرەتشٸنٸڭ تٸلەگٸ ەكٸ كٷننەن از ۋاقىتتا ورىندالىپ, ەنريكە يگلەسياس بۇل جازبانى بايقاپ, بەينەنٸ ٶزٸنٸڭ Facebook جەنە X رەسمي پاراقشالارىندا بٶلٸستٸ.
بۇل رەپوست پايدالانۋشىلاردىڭ نازارىن تەز اۋدارىپ, قازاقستانداعى ەنريكە يگلەسياستىڭ الداعى كونتسەرتتەرٸنە قىزىعۋشىلىقتى ارتتىردى.
ەنريكە يگلەسياس – ەلەمدٸك پوپ تاريحىنداعى ەڭ تابىستى ورىنداۋشىلاردىڭ بٸرٸ. Billboard نۇسقاسى بويىنشا ول ەڭ تانىمال لاتىنامەريكالىق ەنشٸ. شىعارماشىلىق مانسابىندا ەنشٸ 180 ميلليوننان استام دانا مۋزىكالىق رەليزدەرٸنٸڭ كٶشٸرمەسٸن ساتقان.
وسى كٷزدە ەنريكە يگلەسياس قازاقستاندا العاش رەت جەكە كونتسەرتتەرٸمەن ٶنەر كٶرسەتەدٸ. كونتسەرتتەر 3 قىركٷيەكتە استانادا جەنە 5 قىركٷيەكتە الماتىدا ٶتەدٸ. كٶرەرمەندەردٸ بٷكٸل ەلەم بويىنشا ونداعان مىڭ جانكٷيەرلەردٸ جينايتىن جاندى داۋىستاعى اۋقىمدى قويىلىم جەنە تولىققاندى ەلەمدٸك شوۋ كٷتەدٸ. قازاقستاندىق ساحنالاردا ەرتٸستٸڭ باستى حيتتەرٸ ورىندالادى, ولاردىڭ اراسىندا Bailando, Hero, Escape, Tonight, Súbeme la Radio جەنە باسقالارى بار.
بيلەتتەر قازٸردٸڭ ٶزٸندە Freedom SuperApp جەنە Ticketon.kz قولجەتٸمدٸ.
