Grýziiadaǵy memlekettik ýniversitetterde joǵary bilim alý tegin bolady, dep habarlaidy ult.kz.
Report saitynyń dereginshe, bul týraly eldiń premer-ministri Iraklii Kobahidze málimdegen.
Onyń aitýynsha, joǵary bilimdi qarjylandyrýdyń jańa modeli stýdentterdiń oqýǵa degen qyzyǵýshylyǵy men yntasyn saqtaýǵa baǵyttalǵan tetikterdi qamtidy.
Kobahidzeniń sózinshe, eger stýdent bir semestr ishinde eki pánnen óte almasa, úshinshi semestrden bastap oǵan bólinetin memlekettik qarjylandyrý kólemi qysqartylady. Premer-ministr bul sharanyń negizgi maqsaty stýdentterdiń oqý úlgerimin jaqsartyp, bilim alýǵa degen jaýapkershiligin arttyrý ekenin atap ótti.
Sonymen qatar, Iraklii Kobahidze eldegi joǵary ekonomikalyq ósimniń basty sebepteriniń biri retinde jemqorlyqtyń joiylýyn atady.
Onyń málimetinshe, shilde aiynda Grýziia ekonomikasy 8,6 paiyzǵa ósken. Al jyldyń alǵashqy alty aiyndaǵy ortasha ekonomikalyq ósim 7,9 paiyzdy qurap, Halyqaralyq valiýta qory (HVQ) men ózge de halyqaralyq qarjy institýttarynyń boljamynan joǵary bolǵan.
