گرۋزيياداعى مەملەكەتتٸك ۋنيۆەرسيتەتتەردە جوعارى بٸلٸم الۋ تەگٸن بولادى, دەپ حابارلايدى ult.kz.
Report سايتىنىڭ دەرەگٸنشە, بۇل تۋرالى ەلدٸڭ پرەمەر-مينيسترٸ يراكليي كوباحيدزە مەلٸمدەگەن.
ونىڭ ايتۋىنشا, جوعارى بٸلٸمدٸ قارجىلاندىرۋدىڭ جاڭا مودەلٸ ستۋدەنتتەردٸڭ وقۋعا دەگەن قىزىعۋشىلىعى مەن ىنتاسىن ساقتاۋعا باعىتتالعان تەتٸكتەردٸ قامتيدى.
كوباحيدزەنٸڭ سٶزٸنشە, ەگەر ستۋدەنت بٸر سەمەستر ٸشٸندە ەكٸ پەننەن ٶتە الماسا, ٷشٸنشٸ سەمەستردەن باستاپ وعان بٶلٸنەتٸن مەملەكەتتٸك قارجىلاندىرۋ كٶلەمٸ قىسقارتىلادى. پرەمەر-مينيستر بۇل شارانىڭ نەگٸزگٸ ماقساتى ستۋدەنتتەردٸڭ وقۋ ٷلگەرٸمٸن جاقسارتىپ, بٸلٸم الۋعا دەگەن جاۋاپكەرشٸلٸگٸن ارتتىرۋ ەكەنٸن اتاپ ٶتتٸ.
سونىمەن قاتار, يراكليي كوباحيدزە ەلدەگٸ جوعارى ەكونوميكالىق ٶسٸمنٸڭ باستى سەبەپتەرٸنٸڭ بٸرٸ رەتٸندە جەمقورلىقتىڭ جويىلۋىن اتادى.
ونىڭ مەلٸمەتٸنشە, شٸلدە ايىندا گرۋزييا ەكونوميكاسى 8,6 پايىزعا ٶسكەن. ال جىلدىڭ العاشقى التى ايىنداعى ورتاشا ەكونوميكالىق ٶسٸم 7,9 پايىزدى قۇراپ, حالىقارالىق ۆاليۋتا قورى (حۆق) مەن ٶزگە دە حالىقارالىق قارجى ينستيتۋتتارىنىڭ بولجامىنان جوعارى بولعان.
