Búgin QR Densaýlyq saqtaý ministri Eljan Birtanov QHR-dyń Qazaqstandaǵy Tótenshe jáne Ókiletti elshisi Chjan Siao myrzamen júzdesti, dep habarlaidy "Ult aqparat" ministrliktiń baspasóz qyzmetine silteme jasap.
Taraptar koronavirýs boiynsha qazirgi epidemiologiialyq jaǵdaidy jáne virýstyń taralýyna qarsy júrgizilip jatqan sharalarǵa qatysty birqatar máselelerdi talqylady.
Elshi myrza Qazaqstandaǵy virýstyń aldyn alý jumystaryn joǵaelshry baǵalady.
«Jańa koronavirýs qansha qaýipti bolsa da, biz ony emdei alamyz. Jeńistiń aýyly alys emes ekenine senimdimin. Biz jaýapkershilikti, birinshi kezekte, kórshi elder aldyndaǵy jaýapkershilikti jaqsy túsinemiz. Qazaqstan - Qytaidyń basty saýda-ekonomikalyq seriktesteriniń biri. Sondai-aq, Qazaqstan Úkimeti koronavirýsqa qarsy kúres boiynsha ýaqytyly jáne der kezinde óte durys sharalar qabyldady» – dedi diplomat.
Elimizdiń Densaýlyq saqtaý ministri Eljan Birtanov ta Qytai halqyna qoldaý bildirdi.
«Qytai halqynyń atalǵan virýspen kúres jolyndaǵy erligin joǵary baǵalaimyz. Ásirese, Qytaidyń meditsinalyq qyzmetkerleriniń batyldyǵy men óz jumysyna jan-tánimen berilgendigin erekshe atap ótkim keledi, olar myńdaǵan adamdy qutqarýda. Siz arqyly qytailyq áriptesterime alǵys aitqym keledi. Biz barsha dárigerlerge, árine, dostas Qytai halqyna shydamdylyq pen eldegi epidemiologiialyq jaǵdaidyń erterek jaqsarýyn tileimiz», - dep túiindedi óz sózin vedomstvo basshysy.
Taraptar koronavirýsqa qarsy kúresti jáne onyń Qazaqstanda taralýyna jol bermeý jónindegi birlesken jumysty jalǵastyrýǵa kelisti.
