Búgin Halyqaralyq Túrki akademiiasy belgili túrkolog Diýla Nemettiń týǵanyna 130 jyl tolýyna orai «Majarstan túrkologiiasy» atty onlain-konferentsiia ótkizdi, dep habarlaidy "Ult aqparat".
Alqaly jiynǵa Majarstan Parlamentiniń vitse-spikeri Shandor Lejak, TúrkPA Bas hatshysy Altynbek Mamaiýsýpov, Halyqaralyq Túrki akademiiasynyń prezidenti Darhan Qydyráli, Túrki Keńesiniń Majarstandaǵy ókili Ianosh Hovari, Majarstannyń Qazaqstan Respýblikasyndaǵy Tótenshe jáne Ókiletti Elshisi Mihai Galoshfai Qazaqstan Respýblikasynyń Majarstandaǵy Tótenshe jáne Ókiletti Elshisi Jánibek Jarasqanuly, E.A. Bóketov atyndaǵy Karaǵandy ýniversitetiniń rektory Nurlan Dýlatbekov, sonymen qatar ziialy qaýym ókilderi men birqatar memleketterden ǵylymdar qatysty.
Basqosý aiasynda Túrki Akademiiasy men Majarstannyń Qazaqstandaǵy Elshiligi arasynda yntymaqtastyq jóninde memorandýmǵa qol qoiyldy.
Budan keiin jiyn sektsiialyq otyrysqa jalǵasty. Sektsiialyq otyrysqa, Túrki Keńesiniń Majarstandaǵy ókildiginiń atqarýshy direktory Ianosh Hovari, RF ǴA Ýfa ǵylymi ortalyǵy Tarih, til, ádebiet zertteý institýty jetekshisi, f.ǵ.d,. professor Firdaýs Hisamitdinova, Majarstan Shyǵystaný institýtynyń direktory, túrik filologiiasy bóliminiń meńgerýshisi Peri Benedik, «Majar-Turan» qorynyń tóraǵasy, antropolog Biro Andrash, Qyrǵyzstannyń tanymal túrkology, filologiia ǵylymdarynyn doktory, professor Qadyraly Qonqobaev, «Majar-Turan» qorynyń qyzmetkeri, tarih ǵylymdarynyń kandidaty Babaqumar Hinaiat, Majar ǵylym akademiiasy, Etnografiia institýynyń ǵylymi qyzmetkeri, túrkolog Dáýit Shomfai Qara qatysty.
Aita ketý kerek, Akademiia Majarstan men Túrki álemi yqpaldastyǵyn arttyrý maqsatynda birqatar jobalar men is-sharalardy júzege asyrdy.
Atap aitqanda, Nemet Diýla, Diord Almashi, Qońyr Mandoki syndy Majar túrkologtarynyń mirasy men taǵylymyna qatysty ǵylymi jobalardy qolǵa alyp, birqatar eńbekterin jaryqqa shyǵardy.
Biyl túrki áleminde majar túrkologiiasynyń negizin qalaýshylardyń biri retinde sanaly ǵumyryn ǵylymǵa arnap, kóptegen irgeli zertteýler júrgizgen kórnekti tulǵa, belgili ǵalym, shoqtyǵy biik shyǵystanýshy, túrkolog Diýla Nemettiń 130 jyldyq mereitoiy atalyp ótýde.
Akademiia Majarstan baǵytynda jaryq kórgen jańa kitaptardy tanystyrdy.
Túrki akademiiasynyń uiymdastyrýymen ótken «Majarstan túrkologiiasy» atty halyqaralyq onlain-konferentsiia aiasynda jańa kitaptar tanystyryldy.
Atap aitqanda, túrkologiia salasyna súbeli úles qosqan tanymal majar ǵalymy Qońyr Ishtvan Mandokidiń «Úzilmes tamyrlar» atty monografiiasy jáne onyń eńbekteriniń tolyq bibliografiialyq kórsetkishi (Mandoki Qońyr Ishtvan: «Bibliografiia») kópshilikke jol tartty.
Kórnekti ǵalymnyń alǵash ret qazaq tilinde jaryq kórip otyrǵan «Úzilmes tamyrlar» eńbeginde Majarstandaǵy ejelgi quman-qypshaqtardyń baiyrǵy tili, geografiialyq ataýlary jáne olarǵa tarihi-mádeni jaqtan etene jaqyn turǵan Dýnaidyń tómengi saǵasyndaǵy Dobrýja óńirindegi tatar-noǵai qaýymynyń tili men aýyz ádebietine qatysty zertteýleri qamtylǵan. Al bibliografiialyq kórsetkishte atty kitapta ǵalymnyń sanaly ǵumyrynda jaryqqa shyǵarǵan eńbekteri týraly málimetter jinaqtalǵan.
«Halyqaralyq Túrki akademiiasy jaryqqa shyǵarǵan eki eńbektiń aýdarma jáne jinaqtaý jumystaryna belgili túrkolog Qadyraly Qońqabaev, Q. Mandokidyń jary Ońaisha Maqsymqyzy, etnograf Babaqumar Qinaiatuly men bibliograf-maman Laýra Ábenova atsalysty»,-delingen habarlamada.
