«Qyz Jibek» filminde qoldanylǵan qamzoldyń keiingi taǵdyry belgili boldy. Bul jóninde QR Mádeniet jáne aqparat vitse-ministri Evgenii Kochetov Úkimet kýlýarynda málimdedi, dep habarlaidy ult.kz.
Onyń aitýynsha, qazirgi ýaqytta atalǵan mýzeidegi barlyq jádigerlerdi tsifrlandyrý jumystary júrgizilip jatyr. Vitse-ministr bul buiymnyń qazaq kino tarihyndaǵy orny erekshe ekenin atap ótti.
«Qyz Jibek» filminde kiilgen qamzol — Qazaqstan kinematografiiasy men jalpy qazaq kino óneri úshin asa qundy jádiger. Qazir bul máselege qatysty tekseris júrgizilip jatyr. Biz Merýert Ótekeshovamen sóilestik, ortaq kelisimge keldik. Filmdegi barlyq kostiýmder tolyq jinaqtalǵannan keiin olar «Qazaqfilm» mýzeiine tabystalady. Bul usynysty Merýert Ótekeshovanyń ózi de qoldady, dedi ol.
Sondai-aq vitse-ministr bolashaqta mundai jaǵdailardyń aldyn alý úshin «Qazaqfilm» qoryndaǵy barlyq kiim-keshek pen rekvizitter tsifrlandyrylyp jatqanyn aitty. Onyń sózinshe, bul — otandyq kino tarihynda qoldanylǵan mańyzdy mádeni muralar, endi olardy júieli túrde baqylap, esepke alý múmkin bolady.
Aita keteiik, buǵan deiin «Qyz Jibek» filmindegi qamzoldardyń biri mýzei qorynda saqtaýly ekeni habarlanǵan bolatyn.
