Qaraǵandyda 28 jastaǵy Dinara Minbaevanyń ólimine qatysty is qaita qaralýy múmkin. Eki balanyń anasy 2025 jyldyń 3 shildesinde kúieýimen birge turǵan páterden óli tabylǵan, dep habarlaidy ult.kz.
Qaiǵyly jaǵdai boiynsha qylmystyq is qozǵalyp, keiin oqiǵa óz-ózine qol jumsaý retinde saralanyp, is jabylǵan. Alaida marqumnyń týystary bul qorytyndymen kelispeidi.
Dinarynyń ápkesiniń aitýynsha, óliminen bir kún buryn erli-zaiyptylar arasynda janjal bolǵan. Áiel politsiia shaqyryp, kúieýiniń ózine kúsh qoldanǵanyn aitqan. Alaida týystarynyń sózinshe, tártip saqshylary onyń aryzynda tek sózben qorlaý faktisin kórsetýge kóndirgen.
Sol túni Dinara anasyna habarlasyp, kúieýiniń ózin uryp, tunshyqtyrǵanyn aitqan. Ol anasynan balalarymen birge alyp ketýin suraǵan. Anasy Shymkentten jolǵa shyǵýǵa daiyndalǵanymen, keiin qyzy bailanysqa shyqpai qalǵan.
Marqumnyń jaqyndary onyń denesinde kógergen izder bolǵanyn alǵa tartady. Sonymen qatar, áiel qaitys bolǵannan keiin páterdegi kilemniń joǵalyp ketkenin málimdegen.
Týystary Dinaranyń ólimine qatysty basqa nusqalardy da tekserý qajet dep esepteidi. Olar Bas prokýratýra men Ishki ister ministrliginen isti qaita qarap, qaiǵyly oqiǵaǵa deiin úige barǵan politsiia qyzmetkerleriniń áreketine quqyqtyq baǵa berýdi surap otyr.
Dinaranyń artynda úsh jastaǵy jáne bir jarym jastaǵy eki uly qaldy.
