Qazaqstanda 21 tamyzda aýa raiy ár óńirde ártúrli bolady. Kei jerlerde kún ystyq bolsa, jekelegen aimaqtarda jańbyr jaýyp, naizaǵai oinaýy múmkin, dep habarlaidy ult.kz.
Almatyda kún ashyq, jaýyn-shashynsyz bolady. Túnde aýa temperatýrasy +20…+22 gradýs, kúndiz +30…+32 gradýsqa deiin kóteriledi. Jeldiń jyldamdyǵy sekýndyna 3–8 metr bolady.
Astanada qubylmaly bultty aýa raiy saqtalady. Jaýyn-shashyn kútilmeidi, túnde jáne tańerteń tuman túsýi múmkin. Túnde +7…+9, kúndiz +21…+23 gradýs jyly bolady.
Shymkentte kún ystyq bolady. Jaýyn-shashynsyz, qubylmaly bultty aýa raiy boljanyp otyr. Túnde +19…+21, kúndiz aýa temperatýrasy +35…+37 gradýsqa deiin jetedi. Jel sekýndyna 8–13 metr jyldamdyqpen soǵady.
Sinoptikterdiń málimetinshe, aldaǵy kúnderi Almatyda temperatýra tómendei bastaidy, al Astana men Shymkentte de aýa raiy ózgeredi.
