Syrdariia oblysynda eki kishkentai balasyn óltirgen 32 jastaǵy áielge qatysty sot úkimi shyqty. Tergeý men sot anyqtaǵandai, ol balalaryn kúieýinen kek alý úshin óltirgen, dep habarlaidy ult.kz.
Qaiǵyly oqiǵa 2026 jyldyń 1 aqpanyna qaraǵan túni Gúlistan aýdanynda bolǵan. Otbasy jaldamaly úide turǵan. Kúieýi jumystan úiine kelgen kezde ómirin túbegeili ózgertken kóriniske tap bolǵan.
Úidiń ishi gazǵa tolyp turǵan. Onyń ishinde áieli men alty jáne tórt jastaǵy eki uly bolǵan. Balalardy aman alyp qalý múmkin bolmady. Al áieldi dárigerler ólim aýzynan alyp qalǵan.
Bastapqyda oqiǵa gazdan ýlaný saldarynan bolǵan qaiǵyly jaǵdai retinde qabyldanǵan. Alaida sot-meditsinalyq saraptama shyndyqty anyqtady. Balalardyń ólimine gaz emes, mehanikalyq asfiksiia, iaǵni tunshyǵý sebep bolǵan.
Tergeý barysynda áieldiń kúieýinen kek alý maqsatynda óz balalaryn ádeii óltirgeni anyqtaldy. Aldymen ol alty jastaǵy ulyn, keiin tórt jastaǵy balasyn tunshyqtyryp óltirgen.
Qylmysyn jasyrý úshin áiel oqiǵany gazdan ýlaný retinde kórsetýge tyrysqan. Ol eki balasynyń denesin qatar jatqyzyp, gaz plitasy men gaz kranyn ashyp qoiǵan.
Sondai-aq kúieýine hat qaldyryp, keiin ózi de ómirimen qoshtasýǵa áreket jasaǵan.
Sotta áieldiń bul áreketke ne sebepti barǵany jáne qylmystyń ózge de mán-jailary qaraldy. Sot istiń barlyq derekterin zerttep, oǵan qatysty sheshim shyǵardy.
