Bloger Aiym Seitmetova áleýmettik jelidegi paraqshasynda jubaiy Talǵatpen ajyrasyp ketkenin málimdedi. Ol bul jańalyqty jurtshylyqqa ózi jetkizýdi jón kórgenin aitty, dep habarlaidy ult.kz.
Aiymnyń sózinshe, olardyń otbasylyq ómiri birneshe jyl boiy kópshiliktiń nazarynda bolǵan. Sondyqtan ajyrasqany týraly aqparatty túrli áńgime arqyly emes, óziniń ashyq aitqanyn durys sanaǵan.
«Bul jazbany jariialaý kerek pe, joq pa dep uzaq oilandym. Biraq kóptegen jyldar boiy ómirimizdiń edáýir bóligi kópshilikke jariia boldy. Sondyqtan bul týraly ózim aitqanym durys dep sheshtim. Biz Talǵat ekeýmiz ajyrasyp kettik», – dedi ol.
Bloger burynǵy nekesin tek jaǵymsyz esteliktermen bailanystyrmaitynyn atap ótti. Onyń aitýynsha, birge ótkizgen jyldary qýanyshty sátter de az bolmaǵan. Erli-zaiyptylardyń ortaq qyzy bar.
«Bul sózderdiń artynda birge ótkizgen ómirimizdiń úlken bir kezeńi tur. Ol kezeńde jaqsy sátter kóp boldy, otbasy qurdyq. Eń bastysy – bizdi máńgi bailanystyratyn qyzymyz bar», – dedi Aiym.
Ol nekeni jalǵastyrýǵa múmkindik bermegen belgili bir jaǵdailar bolǵanyn da jasyrmady. Alaida olardyń naqty ne ekenin kópshilikke jariialaǵysy kelmeidi.
«Belgili bir ýaqytta aramyzda men úshin osy nekeni ári qarai jalǵastyrýdy múmkin etpeitin jaǵdailar boldy. Onyń egjei-tegjeiin aitqym kelmeidi. Keibir nárseler eki eresek adamnyń arasynda qalǵany durys», – dep túsindirdi bloger.
Aiym ajyrasqannan keiin de Talǵatpen ózara syilastyqty saqtap qalý mańyzdy ekenin aitty. Sebebi olar endi erli-zaiypty bolmasa da, ortaq qyzdarynyń ata-anasy bolyp qala beredi.
Bloger qyzynyń ata-anasynyń ekeýiniń de mahabbatyn sezinip óskenin qalaitynyn jetkizdi.
«Biz Talǵat ekeýmiz erli-zaiypty bolýdan qaldyq, biraq máńgilikke qyzymyzdyń anasy men ákesi bolyp qalamyz. Men onyń ata-anasynyń ekeýiniń de mahabbatyn sezinip óskenin qalaimyn», – dedi ol.
Sondai-aq Aiym ajyrasýǵa bailanysty túrli qaýeset pen boljamnyń taramaǵanyn surady. Ol oqyrmandarynan bul jaǵdaiǵa bailanysty eki tarapty da kinálamaýdy ótindi.
