قاراعاندىدا 28 جاستاعى دينارا مينباەۆانىڭ ٶلٸمٸنە قاتىستى ٸس قايتا قارالۋى مٷمكٸن. ەكٸ بالانىڭ اناسى 2025 جىلدىڭ 3 شٸلدەسٸندە كٷيەۋٸمەن بٸرگە تۇرعان پەتەردەن ٶلٸ تابىلعان, دەپ حابارلايدى ult.kz.
قايعىلى جاعداي بويىنشا قىلمىستىق ٸس قوزعالىپ, كەيٸن وقيعا ٶز-ٶزٸنە قول جۇمساۋ رەتٸندە سارالانىپ, ٸس جابىلعان. الايدا مارقۇمنىڭ تۋىستارى بۇل قورىتىندىمەن كەلٸسپەيدٸ.
دينارىنىڭ ەپكەسٸنٸڭ ايتۋىنشا, ٶلٸمٸنەن بٸر كٷن بۇرىن ەرلٸ-زايىپتىلار اراسىندا جانجال بولعان. ەيەل پوليتسييا شاقىرىپ, كٷيەۋٸنٸڭ ٶزٸنە كٷش قولدانعانىن ايتقان. الايدا تۋىستارىنىڭ سٶزٸنشە, تەرتٸپ ساقشىلارى ونىڭ ارىزىندا تەك سٶزبەن قورلاۋ فاكتٸسٸن كٶرسەتۋگە كٶندٸرگەن.
سول تٷنٸ دينارا اناسىنا حابارلاسىپ, كٷيەۋٸنٸڭ ٶزٸن ۇرىپ, تۇنشىقتىرعانىن ايتقان. ول اناسىنان بالالارىمەن بٸرگە الىپ كەتۋٸن سۇراعان. اناسى شىمكەنتتەن جولعا شىعۋعا دايىندالعانىمەن, كەيٸن قىزى بايلانىسقا شىقپاي قالعان.
مارقۇمنىڭ جاقىندارى ونىڭ دەنەسٸندە كٶگەرگەن ٸزدەر بولعانىن العا تارتادى. سونىمەن قاتار, ەيەل قايتىس بولعاننان كەيٸن پەتەردەگٸ كٸلەمنٸڭ جوعالىپ كەتكەنٸن مەلٸمدەگەن.
تۋىستارى دينارانىڭ ٶلٸمٸنە قاتىستى باسقا نۇسقالاردى دا تەكسەرۋ قاجەت دەپ ەسەپتەيدٸ. ولار باس پروكۋراتۋرا مەن ٸشكٸ ٸستەر مينيسترلٸگٸنەن ٸستٸ قايتا قاراپ, قايعىلى وقيعاعا دەيٸن ٷيگە بارعان پوليتسييا قىزمەتكەرلەرٸنٸڭ ەرەكەتٸنە قۇقىقتىق باعا بەرۋدٸ سۇراپ وتىر.
دينارانىڭ ارتىندا ٷش جاستاعى جەنە بٸر جارىم جاستاعى ەكٸ ۇلى قالدى.
