Qazaqstan Prezidenti Nursultan Nazarbaev qańtarda AQSh Prezidenti Donald Tramppen kelissóz júrgizedi, dep habarlaidy "Ult aqparat" QazAqparat agenttigine silteme jasap.
«Jýyrda telefonmen suhbat kezinde Prezident Tramp meni Aq úige shaqyrdy. 2018 jylǵy 1 qańtardan bastap Qazaqstan BUU Qaýipsizdik Keńesine tóraǵalyq etedi. Soǵan bailanysty men AQSh-ta bolamyn. Sol kezde Vashingtonda júzdesetin bolyp kelistik», - dedi Nursultan Nazarbaev elordada 13 qarasha kúni ótken Astana klýbynyń úshinshi otyrysynda.
Sondai-aq Memleket basshysy elderdi ekonomikalyq múddeler bailanystyratynyn aitty.
«300-den astam amerikalyq kompaniia Qazaqstanda jumys isteidi, olar bizdiń elge 50 mlrd dollarǵa jýyq investitsiia quidy. Olar - munai, energetika salalaryndaǵy iri kompaniialar. Biz tehnologiialar salasynda da, birlesken investitsiialar baǵytynda da yntymaqtastyqty jalǵastyrýdy qalaimyz», - dedi ol.
