قازاقستان پرەزيدەنتٸ نۇرسۇلتان نازارباەۆ قاڭتاردا اقش پرەزيدەنتٸ دونالد ترامپپەن كەلٸسسٶز جٷرگٸزەدٸ, دەپ حابارلايدى "ۇلت اقپارات" قازاقپارات اگەنتتٸگٸنە سٸلتەمە جاساپ.
«جۋىردا تەلەفونمەن سۇحبات كەزٸندە پرەزيدەنت ترامپ مەنٸ اق ٷيگە شاقىردى. 2018 جىلعى 1 قاڭتاردان باستاپ قازاقستان بۇۇ قاۋٸپسٸزدٸك كەڭەسٸنە تٶراعالىق ەتەدٸ. سوعان بايلانىستى مەن اقش-تا بولامىن. سول كەزدە ۆاشينگتوندا جٷزدەسەتٸن بولىپ كەلٸستٸك», - دەدٸ نۇرسۇلتان نازارباەۆ ەلوردادا 13 قاراشا كٷنٸ ٶتكەن استانا كلۋبىنىڭ ٷشٸنشٸ وتىرىسىندا.
سونداي-اق مەملەكەت باسشىسى ەلدەردٸ ەكونوميكالىق مٷددەلەر بايلانىستىراتىنىن ايتتى.
«300-دەن استام امەريكالىق كومپانييا قازاقستاندا جۇمىس ٸستەيدٸ, ولار بٸزدٸڭ ەلگە 50 ملرد دوللارعا جۋىق ينۆەستيتسييا قۇيدى. ولار - مۇناي, ەنەرگەتيكا سالالارىنداعى ٸرٸ كومپانييالار. بٸز تەحنولوگييالار سالاسىندا دا, بٸرلەسكەن ينۆەستيتسييالار باعىتىندا دا ىنتىماقتاستىقتى جالعاستىرۋدى قالايمىز», - دەدٸ ول.
