Oqý jyly sońy. Kóp jastyń aldynda tańdaý tur. Sońǵy jyldary keibir jastar «ýniversitet kerek emes, bloger bolamyn», «aqsha tabý úshin diplomnyń qajeti joq» degen oiǵa keldi. Bul pikirdiń paida bolýyna áleýmettik jeli tilin jetik meńgergen SMM, IT mamandary, tabysty blogerler men kásipkerler áser etti.

Alaida bul jerde bir mańyzdy nárse bar. Bizdiń kóz aldymyzda jetistikke jetken halyqtyń az bóligi áleýmettik jelide jarq-jurq etken saiyn olar kóp bolyp kórinedi. Biraq álemjelige qoly tie bermeitin qundy, tabysty maman ieleri qanshama.

Qazirgi zamanda ýniversitet bitirmei-aq tabysqa jetýge bolatyn salalar da bar. Muny joqqa shyǵarýǵa bolmas. Máselen baǵdarlamalaý, dizain, kontent jasaý siiaqty baǵyttarda diplomǵa qaraǵanda adamnyń naqty daǵdysy mańyzdyraq.

Biraq bloger bolý álde JOO-da oqý degen suraq arasynda ýniversitette oqýdyń mańyzy tek diplomda emes ekenin naqty túsinýimiz kerek.

4-5 jyl oqý bul tek qur teoriia emes. Mamandyq igerý kezinde stýdent júieli oilaýdy úirenedi, óz mamandyǵy boiynsha akademiialyq tereń bilim alady, kásibi orta qalyptastyrady da, bolashaq mamandyǵyna naqty senimmen aiaq basady.

Árine kóz aldymyzda az ýaqytta baiyp ketken bloger, kásipkerlerdiń joly jastardy qyzyqtyrmai qoimaidy. Degenmen bul naryq óte turaqsyz, qubylmaly. Bir Tik-Tok, ne Instagram, Tredske úmit artyp otyrý ańǵaldyq. Bir platforma qulap, jańasy paida bolyp, suranys, zańdylyǵy tez ózgeretin eń turaqsyz ailaq.

Abzalynda

Diplom úshin oqý degen túsinikten arylyp, uzaqmerzimdi bolashaǵy bar mamandyqty igerý úshin jasalǵan qadam dep bilgen abzal. Sol mamandyqty igerip, shyńdap, tájiribeli maman bolǵannan keiin ǵana áleýmettik jelini bilim taratyp, jeke brend qalyptastyrý maqsatynda qoldansaq óte jaqsy. Sonda ǵana bilim men sapany qundylyq etken mamanǵa aýditoriia tarapynan tolyq senim de bar bolady.