وقۋ جىلى سوڭى. كٶپ جاستىڭ الدىندا تاڭداۋ تۇر. سوڭعى جىلدارى كەيبٸر جاستار «ۋنيۆەرسيتەت كەرەك ەمەس, بلوگەر بولامىن», «اقشا تابۋ ٷشٸن ديپلومنىڭ قاجەتٸ جوق» دەگەن ويعا كەلدٸ. بۇل پٸكٸردٸڭ پايدا بولۋىنا ەلەۋمەتتٸك جەلٸ تٸلٸن جەتٸك مەڭگەرگەن SMM, IT ماماندارى, تابىستى بلوگەرلەر مەن كەسٸپكەرلەر ەسەر ەتتٸ.

الايدا بۇل جەردە بٸر ماڭىزدى نەرسە بار. بٸزدٸڭ كٶز الدىمىزدا جەتٸستٸككە جەتكەن حالىقتىڭ از بٶلٸگٸ ەلەۋمەتتٸك جەلٸدە جارق-جۇرق ەتكەن سايىن ولار كٶپ بولىپ كٶرٸنەدٸ. بٸراق ەلەمجەلٸگە قولى تيە بەرمەيتٸن قۇندى, تابىستى مامان يەلەرٸ قانشاما.

قازٸرگٸ زاماندا ۋنيۆەرسيتەت بٸتٸرمەي-اق تابىسقا جەتۋگە بولاتىن سالالار دا بار. مۇنى جوققا شىعارۋعا بولماس. مەسەلەن باعدارلامالاۋ, ديزاين, كونتەنت جاساۋ سيياقتى باعىتتاردا ديپلومعا قاراعاندا ادامنىڭ ناقتى داعدىسى ماڭىزدىراق.

بٸراق بلوگەر بولۋ ەلدە جوو-دا وقۋ دەگەن سۇراق اراسىندا ۋنيۆەرسيتەتتە وقۋدىڭ ماڭىزى تەك ديپلومدا ەمەس ەكەنٸن ناقتى تٷسٸنۋٸمٸز كەرەك.

4-5 جىل وقۋ بۇل تەك قۇر تەورييا ەمەس. ماماندىق يگەرۋ كەزٸندە ستۋدەنت جٷيەلٸ ويلاۋدى ٷيرەنەدٸ, ٶز ماماندىعى بويىنشا اكادەمييالىق تەرەڭ بٸلٸم الادى, كەسٸبي ورتا قالىپتاستىرادى دا, بولاشاق ماماندىعىنا ناقتى سەنٸممەن اياق باسادى.

ەرينە كٶز الدىمىزدا از ۋاقىتتا بايىپ كەتكەن بلوگەر, كەسٸپكەرلەردٸڭ جولى جاستاردى قىزىقتىرماي قويمايدى. دەگەنمەن بۇل نارىق ٶتە تۇراقسىز, قۇبىلمالى. بٸر تيك-توك, نە ينستاگرام, ترەدسكە ٷمٸت ارتىپ وتىرۋ اڭعالدىق. بٸر پلاتفورما قۇلاپ, جاڭاسى پايدا بولىپ, سۇرانىس, زاڭدىلىعى تەز ٶزگەرەتٸن ەڭ تۇراقسىز ايلاق.

ابزالىندا

ديپلوم ٷشٸن وقۋ دەگەن تٷسٸنٸكتەن ارىلىپ, ۇزاقمەرزٸمدٸ بولاشاعى بار ماماندىقتى يگەرۋ ٷشٸن جاسالعان قادام دەپ بٸلگەن ابزال. سول ماماندىقتى يگەرٸپ, شىڭداپ, تەجٸريبەلٸ مامان بولعاننان كەيٸن عانا ەلەۋمەتتٸك جەلٸنٸ بٸلٸم تاراتىپ, جەكە برەند قالىپتاستىرۋ ماقساتىندا قولدانساق ٶتە جاقسى. سوندا عانا بٸلٸم مەن ساپانى قۇندىلىق ەتكەن مامانعا اۋديتورييا تاراپىنان تولىق سەنٸم دە بار بولادى.