Telejúrgizýshi Dinara Sátjannyń baǵdarlamasyna prodiýser Baian Alagózova men onyń jubaiy Tursyn Alagózov qonaq boldy. Alaida efir barysynda qoiylǵan bir suraq áleýmettik jeli qoldanýshylary arasynda qyzý pikirtalas týdyrdy, dep habarlaidy Ult.kz.
Suhbat kezinde Dinara Sátjan Tursyn Alagózovten:
«Áielińizdiń kinodaǵy súiisken kadrlaryna qalai qaraisyz? Bul birden túsirilgen kadrlar emes, birneshe ret qaitalanǵan. Qyzǵanbaisyz ba?» - dep surady.
Bul suraqqa aldymen Baian Alagózova jaýap berip, kino túsirilimindegi mundai kórinisterdiń qalai ótetinin túsindirdi.
«Súiisý eki dýbl ǵana túsiriledi. Men birinshi dýblden-aq alyp shyǵamyn. Jalpy sany tórt-bes ret súiisý bolǵan», - dedi prodiýser.
Al Tursyn Alagózov bul saýalǵa ázilmen jaýap qatyp, stýdiiadaǵylardyń kúlkisin týdyrdy.
Alaida jeli qoldanýshylarynyń bir bóligi suhbattaǵy dál osy suraqty orynsyz dep baǵalap, jýrnalistik etika máselesin kóterdi.
Pikirler arasynda:
«Bundai dostan Qudai saqtasyn»,
«Kóre almai otyr ǵoi»,
«Jýrnalistik etika qaida?»,
«Kóre almaityny kórinip tur»,
degen jazbalar kóptep jariialandy.
Sonymen qatar, keibir jeli qoldanýshylary mundai suraqtyń ashyq suhbat formatyna sai ekenin aityp, telejúrgizýshini qoldaǵan pikirlerin de bildirdi.
