Densaýlyq saqtaý ministri Eljan Birtanov halyqty dúrbeleńge salynbaýǵa shaqyrdy. Sebebi koronavirýstan jazylyp shyǵýǵa bolady, dep habarlaidy Sputnik Qazaqstan.
Ministrdiń aitýynsha, búginde koronavirýsqa bailanysty barlyq aqparat Dúniejúzilik densaýlyq saqtaý uiymynan túsedi. Budan bólek, osy indet tirkelgen memleketter jáne sol jaqtaǵy Qazaqstannyń elshilikteri qosymsha málimetterdi jiberip otyrady. Sonyń ishinde aýrýdyń sipaty men emdeý sharalary bar.
"Qazir bizde bar aqparatqa sáikes, patsientterdiń basym bóliginde aýrýdyń belgileri baiqalmaidy. Eýropada ondai naýqastar úidegi karantinde otyra beredi. Bul degenimiz, aýrýdyń jeńil belgilerimen aýrýhanaǵa jatqyzýdyń qajeti joq", - dedi Birtanov astanada ótken baspasóz máslihatynda.
Onyń sózine qaraǵanda, basqa aýrýlar siiaqty koronavirýstyń da ortasha jáne aýyr deńgeii bolady. Barlyǵy adamnyń imýndy júiesine jáne sozylmaly aýrýlardyń bar-joǵyna bailanysty. Sondyqtan koronavirýsty emdeýdiń arnaiy júiesi qarastyrylmaǵan.
"Biz taǵy qaitalaimyz, qazaqstandyqtarǵa qatty alańdaýdyń qajeti joq. Bul – respiratorlyq virýsty infektsiia. Onyń da san alýan formalary bar. Máselen, tumaý – bul sál aýyrlaý formasy. Al jeńil formasy bolsa, emdelýdiń qajeti joq. Kóbirek sý ishińiz, qabynýǵa qarsy dári ishińizder. Eger dene qyzýy kóterilip, jótel bastalsa, jedel járdemdi shaqyrǵan durys", - dep atap kórsetti Birtanov.
Ministr sheteldik tájiribege de toqtaldy. Onyń aitýynsha, sheteldik dárigerler koronavirýstyń aýyr formasy kezinde virýsqa qarsy preparattardy qoldanýǵa keńes beredi. Pnevmoniia bolsa da, týra sondai terapiia jasalady.
Aita keteiik, Qazaqstanda úsh adamnan koronavirýs tabyldy.
