foto: kollaj Ult.kz
Braziliiada mamandar Aqtaý mańynda apatqa ushyraǵan AZAL áýe kompaniiasynyń ushaǵynyń qara jáshikterindegi derekterdi tekserýdi bastady, dep habarlaidy AZERTADJ.
Qazaqstan, Ázerbaijan jáne Resei ókilderi Aviatsiialyq oqiǵalardyń aldyn alý jáne tergeý ortalyǵynda (CENIPA) kezdesti. Mamandar qara jáshikterdegi ushqyshtardyń áńgimeleri men ushaqtyń apatqa deiingi jaǵdaiy týraly málimetterdi shyǵaryp, taldaýmen ainalysýda.
“CENIPA oqiǵany modeldeý jáne túsindirý úshin grafikalyq virtýaldy rekonstrýktsiia jasai alady. Braziliialyq taldaý nátijeleri Qazaqstan jaýapty bolatyn tergeý týraly qorytyndy esepte jariialanady. Tehnikalyq derekter AZAL áýe reisiniń baǵytyn ózgertý men apatty qoný kezinde oryn alǵan aqaýlardy túsindirýge kómektesedi”, – dep jazylǵan basylymda.
Braziliia bul tergeýge qatysýda, sebebi Embraer-190 ushaǵy osy elde shyǵarylǵan.
Eske sala keteiik, 25 jeltoqsanda Qazaqstannyń Aqtaý qalasy mańynda Baký-Groznyi baǵyty boiynsha ushyp bara jatqan AZAL áýe kompaniiasynyń jolaýshylar ushaǵy apatqa ushyrady. Ushaq bortynda bolǵan 67 adamnyń 38-i qaza taýyp, 29-y aman qaldy.
