فوتو: كوللاج Ult.kz
برازيلييادا ماماندار اقتاۋ ماڭىندا اپاتقا ۇشىراعان AZAL ەۋە كومپانيياسىنىڭ ۇشاعىنىڭ قارا جەشٸكتەرٸندەگٸ دەرەكتەردٸ تەكسەرۋدٸ باستادى, دەپ حابارلايدى ازەرتادج.
قازاقستان, ەزەربايجان جەنە رەسەي ٶكٸلدەرٸ اۆياتسييالىق وقيعالاردىڭ الدىن الۋ جەنە تەرگەۋ ورتالىعىندا (CENIPA) كەزدەستٸ. ماماندار قارا جەشٸكتەردەگٸ ۇشقىشتاردىڭ ەڭگٸمەلەرٸ مەن ۇشاقتىڭ اپاتقا دەيٸنگٸ جاعدايى تۋرالى مەلٸمەتتەردٸ شىعارىپ, تالداۋمەن اينالىسۋدا.
“CENIPA وقيعانى مودەلدەۋ جەنە تٷسٸندٸرۋ ٷشٸن گرافيكالىق ۆيرتۋالدى رەكونسترۋكتسييا جاساي الادى. برازيلييالىق تالداۋ نەتيجەلەرٸ قازاقستان جاۋاپتى بولاتىن تەرگەۋ تۋرالى قورىتىندى ەسەپتە جارييالانادى. تەحنيكالىق دەرەكتەر AZAL ەۋە رەيسٸنٸڭ باعىتىن ٶزگەرتۋ مەن اپاتتى قونۋ كەزٸندە ورىن العان اقاۋلاردى تٷسٸندٸرۋگە كٶمەكتەسەدٸ”, – دەپ جازىلعان باسىلىمدا.
برازيلييا بۇل تەرگەۋگە قاتىسۋدا, سەبەبٸ Embraer-190 ۇشاعى وسى ەلدە شىعارىلعان.
ەسكە سالا كەتەيٸك, 25 جەلتوقساندا قازاقستاننىڭ اقتاۋ قالاسى ماڭىندا باكۋ-گروزنىي باعىتى بويىنشا ۇشىپ بارا جاتقان AZAL ەۋە كومپانيياسىنىڭ جولاۋشىلار ۇشاعى اپاتقا ۇشىرادى. ۇشاق بورتىندا بولعان 67 ادامنىڭ 38-ٸ قازا تاۋىپ, 29-ى امان قالدى.
