Bokstan álem chempionatynda Qazaqstan ulttyq quramasy kapitany mindetin Abylaihan Júsipov atqarady, dep habarlaidy QazAqparat.
Dúbirli dodada Serbiia astanasy Belgrad qalasynda 24 qarasha jáne 6 qarasha aralyǵynda ótedi. Oǵan baratyn qazaqstandyq boksshylar quramy belgili boldy. Ulttyq qurama álem chempionatynda tolyq quramda baq synaýǵa múmkindik aldy.
Bas bapker Qairat Sátjanov, Temirtas Júsipov (48 keli), Sáken Bibosynov (51 keli), Mahmýd Sabyrhan (54 keli), Serik Temirjanov (57 keli), Samatali Tóltaev (60 keli), Sanatali Tóltaev (63,5 keli), Abylaihan Júsipov (67 keli), Aslanbek Shymbergenov (71 keli), Nurqanat Rais (75 keli), Nurbek Oralbai (80 keli), Bek Nurmaǵambet (86 keli), Aibek Oralbai (92 keli) men Nurlan Saparbai (92 keliden joǵary) syndy sportshylarǵa senim artty.
Olardyń arasynan Abylaihan Júsipov kapitandyq mindetti atqarady. Ol 1997 jyly Qaraǵandy oblysy Abai qalasynda dúniege kelgen. 2017, 2019 jyldarda álem chempionatynda qola júldeger atandy. Sondai-aq, 2017 jyly Aziia chempionatynda kúmis medal iegeri boldy. Ol Olimpiada oiyndaryna qatysqan.
Dúniejúzilik doda 1974 jyldan beri turaqty túrde uiymdastyrylady. Qazaqstan quramasy búginge deiin 12 altyn, 13 kúmis, 21 qola júlde aldy.
Aita keteiik, álem chempionatynyń jalpy júlde qory 2,6 mln AQSh dollar. Jeńimpaz 100 000 dollar alsa, kúmis júldeger 50 000, qola júldeger 25 000 dollar alady.
