بوكستان ەلەم چەمپيوناتىندا قازاقستان ۇلتتىق قۇراماسى كاپيتانى مٸندەتٸن ابىلايحان جٷسٸپوۆ اتقارادى, دەپ حابارلايدى قازاقپارات.
دٷبٸرلٸ دودادا سەربييا استاناسى بەلگراد قالاسىندا 24 قاراشا جەنە 6 قاراشا ارالىعىندا ٶتەدٸ. وعان باراتىن قازاقستاندىق بوكسشىلار قۇرامى بەلگٸلٸ بولدى. ۇلتتىق قۇراما ەلەم چەمپيوناتىندا تولىق قۇرامدا باق سىناۋعا مٷمكٸندٸك الدى.
باس باپكەر قايرات سەتجانوۆ, تەمٸرتاس جٷسٸپوۆ (48 كەلٸ), سەكەن بيبوسىنوۆ (51 كەلٸ), ماحمۋد سابىرحان (54 كەلٸ), سەرٸك تەمٸرجانوۆ (57 كەلٸ), ساماتالي تٶلتاەۆ (60 كەلٸ), ساناتالي تٶلتاەۆ (63,5 كەلٸ), ابىلايحان جٷسٸپوۆ (67 كەلٸ), اسلانبەك شىمبەرگەنوۆ (71 كەلٸ), نۇرقانات رايس (75 كەلٸ), نۇربەك ورالباي (80 كەلٸ), بەك نۇرماعامبەت (86 كەلٸ), ايبەك ورالباي (92 كەلٸ) مەن نۇرلان ساپارباي (92 كەلٸدەن جوعارى) سىندى سپورتشىلارعا سەنٸم ارتتى.
ولاردىڭ اراسىنان ابىلايحان جٷسٸپوۆ كاپيتاندىق مٸندەتتٸ اتقارادى. ول 1997 جىلى قاراعاندى وبلىسى اباي قالاسىندا دٷنيەگە كەلگەن. 2017, 2019 جىلداردا ەلەم چەمپيوناتىندا قولا جٷلدەگەر اتاندى. سونداي-اق, 2017 جىلى ازييا چەمپيوناتىندا كٷمٸس مەدال يەگەرٸ بولدى. ول وليمپيادا ويىندارىنا قاتىسقان.
دٷنيەجٷزٸلٸك دودا 1974 جىلدان بەرٸ تۇراقتى تٷردە ۇيىمداستىرىلادى. قازاقستان قۇراماسى بٷگٸنگە دەيٸن 12 التىن, 13 كٷمٸس, 21 قولا جٷلدە الدى.
ايتا كەتەيٸك, ەلەم چەمپيوناتىنىڭ جالپى جٷلدە قورى 2,6 ملن اقش دوللار. جەڭٸمپاز 100 000 دوللار السا, كٷمٸس جٷلدەگەر 50 000, قولا جٷلدەگەر 25 000 دوللار الادى.
