Qaznette úsh blogerdiń tikelei efir kezinde aitqan sózi qyzý talqylanyp jatyr, dep habarlaidy ult.kz.
Efir barysynda kórermenderdiń biri elde jariialanǵan qaraly kúnge qatysty suraq qoiǵan. Osy kezde blogerlerdiń biri qaza bolǵan azamattarǵa qatysty pikir bildirip, «Olar biz úshin qaza tapty ma?» degen mazmunda sóz aitqan.
Bul pikir áleýmettik jeli qoldanýshylarynyń narazylyǵyn týdyrdy. Jelide kópshilik qaza bolǵan azamattarǵa qatysty mundai sózdiń orynsyz ekenin aityp, blogerdi synǵa aldy.
Tikelei efirdegi ózge blogerlerdiń de áńgimesi áleýmettik jelide talqylanyp, videodan úzindiler túrli paraqshalarda tarady.
Kaspiidegi 14 sarbazdyń qazasy: ne belgili?
Oqiǵa 24 qyrkúiekte Mańǵystaý oblysynda Áskeri-teńiz kúshteriniń «Hazar Qorǵany–2026» oqý-jattyǵýy kezinde bolǵan.
Qorǵanys ministrliginiń málimetinshe, oqý-jaýyngerlik tapsyrmany oryndaý kezinde aýa raiy kúrt nasharlap, jel kúsheigen. Sonyń saldarynan 17 áskeri qyzmetshi ashyq teńizge aǵyp ketken. Úsheýi qutqarylyp, 14 áskeri qyzmetshi qaza tapty.
Bastapqyda 9, keiin 12 adamnyń qaza bolǵany habarlanǵan. 25 qyrkúiek kúni saǵat 09:15 shamasynda iz-túzsiz joǵalǵan serjant Mansur Gýmarov pen matros Miras Turdybekulynyń deneleri tabylyp, qaza tapqandar sany 14-ke jetti. Izdestirý-qutqarý operatsiiasy aiaqtaldy.
Qalai bolǵan?
IIM-niń aldyn ala málimeti boiynsha, áskeri qyzmetshiler «Qaisar» katerinen túsirilgen kezde qolaisyz meteorologiialyq jaǵdaida teńiz aǵysy olardy alyp ketken. Oqiǵa Aqtaý qalasynan shamamen 43 shaqyrym jerde bolǵan. Tergeý kezinde oqý-jattyǵýdy uiymdastyrý, qaýipsizdik talaptarynyń saqtalýy, aýa raiy jaǵdaiynyń eskerilýi jáne katerdiń tehnikalyq jai-kúii tekserilip jatyr.
Qylmystyq is qozǵaldy.
Is boiynsha Qazaqstan Qylmystyq kodeksiniń:
453-baby 2-bóligi — aýyr zardaptarǵa ákep soqqan qyzmetke salǵyrt qaraý;
465-baby — keme júrgizý qaǵidalaryn buzý
boiynsha qylmystyq ister qozǵalǵan.
Tergeý barysynda áskeri qyzmetshilerdiń qaýipsizdigin qamtamasyz etýge, oqý-jattyǵýdy uiymdastyrýǵa jáne qutqarý jumystaryna bailanysty zań buzýshylyqtarǵa jol berdi degen kúdikke ilingen laýazymdy tulǵalar anyqtalǵan.
