قازنەتتە ٷش بلوگەردٸڭ تٸكەلەي ەفير كەزٸندە ايتقان سٶزٸ قىزۋ تالقىلانىپ جاتىر, دەپ حابارلايدى ult.kz.

ەفير بارىسىندا كٶرەرمەندەردٸڭ بٸرٸ ەلدە جارييالانعان قارالى كٷنگە قاتىستى سۇراق قويعان. وسى كەزدە بلوگەرلەردٸڭ بٸرٸ قازا بولعان ازاماتتارعا قاتىستى پٸكٸر بٸلدٸرٸپ, «ولار بٸز ٷشٸن قازا تاپتى ما?» دەگەن مازمۇندا سٶز ايتقان.

بۇل پٸكٸر ەلەۋمەتتٸك جەلٸ قولدانۋشىلارىنىڭ نارازىلىعىن تۋدىردى. جەلٸدە كٶپشٸلٸك قازا بولعان ازاماتتارعا قاتىستى مۇنداي سٶزدٸڭ ورىنسىز ەكەنٸن ايتىپ, بلوگەردٸ سىنعا الدى.

تٸكەلەي ەفيردەگٸ ٶزگە بلوگەرلەردٸڭ دە ەڭگٸمەسٸ ەلەۋمەتتٸك جەلٸدە تالقىلانىپ, ۆيدەودان ٷزٸندٸلەر تٷرلٸ پاراقشالاردا تارادى.

كاسپييدەگٸ 14 ساربازدىڭ قازاسى: نە بەلگٸلٸ?

وقيعا 24 قىركٷيەكتە ماڭعىستاۋ وبلىسىندا ەسكەري-تەڭٸز كٷشتەرٸنٸڭ «حازار قورعانى–2026» وقۋ-جاتتىعۋى كەزٸندە بولعان.

قورعانىس مينيسترلٸگٸنٸڭ مەلٸمەتٸنشە, وقۋ-جاۋىنگەرلٸك تاپسىرمانى ورىنداۋ كەزٸندە اۋا رايى كٷرت ناشارلاپ, جەل كٷشەيگەن. سونىڭ سالدارىنان 17 ەسكەري قىزمەتشٸ اشىق تەڭٸزگە اعىپ كەتكەن. ٷشەۋٸ قۇتقارىلىپ, 14 ەسكەري قىزمەتشٸ قازا تاپتى. 

باستاپقىدا 9, كەيٸن 12 ادامنىڭ قازا بولعانى حابارلانعان. 25 قىركٷيەك كٷنٸ ساعات 09:15 شاماسىندا ٸز-تٷزسٸز جوعالعان سەرجانت مانسۇر گۋماروۆ پەن ماتروس ميراس تۇردىبەكۇلىنىڭ دەنەلەرٸ تابىلىپ, قازا تاپقاندار سانى 14-كە جەتتٸ. ٸزدەستٸرۋ-قۇتقارۋ وپەراتسيياسى اياقتالدى. 

قالاي بولعان?

ٸٸم-نٸڭ الدىن الا مەلٸمەتٸ بويىنشا, ەسكەري قىزمەتشٸلەر «قايسار» كاتەرٸنەن تٷسٸرٸلگەن كەزدە قولايسىز مەتەورولوگييالىق جاعدايدا تەڭٸز اعىسى ولاردى الىپ كەتكەن. وقيعا اقتاۋ قالاسىنان شامامەن 43 شاقىرىم جەردە بولعان. تەرگەۋ كەزٸندە وقۋ-جاتتىعۋدى ۇيىمداستىرۋ, قاۋٸپسٸزدٸك تالاپتارىنىڭ ساقتالۋى, اۋا رايى جاعدايىنىڭ ەسكەرٸلۋٸ جەنە كاتەردٸڭ تەحنيكالىق جاي-كٷيٸ تەكسەرٸلٸپ جاتىر. 

قىلمىستىق ٸس قوزعالدى.

ٸس بويىنشا قازاقستان قىلمىستىق كودەكسٸنٸڭ:

453-بابى 2-بٶلٸگٸ — اۋىر زارداپتارعا ەكەپ سوققان قىزمەتكە سالعىرت قاراۋ;

465-بابى — كەمە جٷرگٸزۋ قاعيدالارىن بۇزۋ

بويىنشا قىلمىستىق ٸستەر قوزعالعان. 

تەرگەۋ بارىسىندا ەسكەري قىزمەتشٸلەردٸڭ قاۋٸپسٸزدٸگٸن قامتاماسىز ەتۋگە, وقۋ-جاتتىعۋدى ۇيىمداستىرۋعا جەنە قۇتقارۋ جۇمىستارىنا بايلانىستى زاڭ بۇزۋشىلىقتارعا جول بەردٸ دەگەن كٷدٸككە ٸلٸنگەن لاۋازىمدى تۇلعالار انىقتالعان.