Bas prokýrordyń orynbasary Bolat Dembaev Qordaidaǵy oqiǵa boiynsha qylmystyq qýdalaý organdary kinálilerdi taýyp, olardy jaýapkershilikke tartý úshin barlyq sharany júzege asyratynyn málimdedi, dep habarlaidy QazAqparat.
«Ishki ister ministri aitqandai, Qordaidaǵy oqiǵa boiynsha birneshe qylmystyq is qozǵaldy. Vedomstvoaralyq jedel tergeý toby qurylady. Istiń barysy Bas prokýrordyń nazarynda. Qylmystyq qýdalaý organdary kinálilerdi taýyp, olardy jaýapkershilikke tartý úshin barlyq sharany júzege asyrady. Zardap shekkenderde qajetti quqyqtyq kómek beriledi. Qazirgi ýaqytta quqyq qorǵaý organdary zańdylyqty, qoǵamdyq qaýipsizdik pen quqyqtyq tártip saqtaý sharalaryn qamtamasyz etip otyr», - dedi Bas prokýrordyń orynbasary OKQ-da ótken baspasóz máslihatynda.
Bolat Dembaev aityp ótkendei, jeke adamdar bolǵan oqiǵany burmalap jatqanyn, jalǵan aqparat taratyp jatqanyn jetkizdi.
«Osyǵan bailanysty qoǵamdyq tártipti saqtap, eskertý úshin búkil elge - Qazaqstannyń Konstitýtsiiasy ultaralyq kelisimdi buzarlyq kez kelgen áreketti tyiym salatynyn jetkizgimiz keledi. Konstitýtsiianyń atalǵan talabyn oryndamaýdyń saldary ultaralyq arazdyqty týǵyzý, jappai tártipsizdikke uiymdastyrý, jalǵan aqparat taratý isteri boiynsha qylmystyq jaýapkershilikke ákep soǵady. Halyqty sabyr saqtaýǵa, provokatsiiaǵa berilmei, shyndyqqa sai kelmeitin aqparatty taratpaýǵa shaqyramyz. Tergeý amaldaryna qatysty barlyq aqparat IIM men BAs prokýratýraǵa joldanyp otyrady. Osy vedomstvolardyń internet-saittarynda jariialanady», - dedi ol.
Bas prokýrordyń orynbasary quqyq qorǵaý organdary kez kelgen tártip buzýshylyqtyń jolyn kesip, olarǵa jol bermeýdiń barlyq amalyn qarastyratynyn málimdedi.
Eske sala ketsek, buǵan deiin Ishki ister ministri Erlan Turǵymbaev Qordaidaǵy oqiǵa saldarynan 8 adamnyń kóz jumǵanyn málim etken edi.
