باس پروكۋروردىڭ ورىنباسارى بولات دەمباەۆ قوردايداعى وقيعا بويىنشا قىلمىستىق قۋدالاۋ ورگاندارى كٸنەلٸلەردٸ تاۋىپ, ولاردى جاۋاپكەرشٸلٸككە تارتۋ ٷشٸن بارلىق شارانى جٷزەگە اسىراتىنىن مەلٸمدەدٸ, دەپ حابارلايدى قازاقپارات.
«ٸشكٸ ٸستەر مينيسترٸ ايتقانداي, قوردايداعى وقيعا بويىنشا بٸرنەشە قىلمىستىق ٸس قوزعالدى. ۆەدومستۆوارالىق جەدەل تەرگەۋ توبى قۇرىلادى. ٸستٸڭ بارىسى باس پروكۋروردىڭ نازارىندا. قىلمىستىق قۋدالاۋ ورگاندارى كٸنەلٸلەردٸ تاۋىپ, ولاردى جاۋاپكەرشٸلٸككە تارتۋ ٷشٸن بارلىق شارانى جٷزەگە اسىرادى. زارداپ شەككەندەردە قاجەتتٸ قۇقىقتىق كٶمەك بەرٸلەدٸ. قازٸرگٸ ۋاقىتتا قۇقىق قورعاۋ ورگاندارى زاڭدىلىقتى, قوعامدىق قاۋٸپسٸزدٸك پەن قۇقىقتىق تەرتٸپ ساقتاۋ شارالارىن قامتاماسىز ەتٸپ وتىر», - دەدٸ باس پروكۋروردىڭ ورىنباسارى وكق-دا ٶتكەن باسپاسٶز مەسليحاتىندا.
بولات دەمباەۆ ايتىپ ٶتكەندەي, جەكە ادامدار بولعان وقيعانى بۇرمالاپ جاتقانىن, جالعان اقپارات تاراتىپ جاتقانىن جەتكٸزدٸ.
«وسىعان بايلانىستى قوعامدىق تەرتٸپتٸ ساقتاپ, ەسكەرتۋ ٷشٸن بٷكٸل ەلگە - قازاقستاننىڭ كونستيتۋتسيياسى ۇلتارالىق كەلٸسٸمدٸ بۇزارلىق كەز كەلگەن ەرەكەتتٸ تىيىم سالاتىنىن جەتكٸزگٸمٸز كەلەدٸ. كونستيتۋتسييانىڭ اتالعان تالابىن ورىنداماۋدىڭ سالدارى ۇلتارالىق ارازدىقتى تۋعىزۋ, جاپپاي تەرتٸپسٸزدٸككە ۇيىمداستىرۋ, جالعان اقپارات تاراتۋ ٸستەرٸ بويىنشا قىلمىستىق جاۋاپكەرشٸلٸككە ەكەپ سوعادى. حالىقتى سابىر ساقتاۋعا, پروۆوكاتسيياعا بەرٸلمەي, شىندىققا ساي كەلمەيتٸن اقپاراتتى تاراتپاۋعا شاقىرامىز. تەرگەۋ امالدارىنا قاتىستى بارلىق اقپارات ٸٸم مەن باس پروكۋراتۋراعا جولدانىپ وتىرادى. وسى ۆەدومستۆولاردىڭ ينتەرنەت-سايتتارىندا جارييالانادى», - دەدٸ ول.
باس پروكۋروردىڭ ورىنباسارى قۇقىق قورعاۋ ورگاندارى كەز كەلگەن تەرتٸپ بۇزۋشىلىقتىڭ جولىن كەسٸپ, ولارعا جول بەرمەۋدٸڭ بارلىق امالىن قاراستىراتىنىن مەلٸمدەدٸ.
ەسكە سالا كەتسەك, بۇعان دەيٸن ٸشكٸ ٸستەر مينيسترٸ ەرلان تۇرعىمباەۆ قوردايداعى وقيعا سالدارىنان 8 ادامنىڭ كٶز جۇمعانىن مەلٸم ەتكەن ەدٸ.
