Densaýlyq saqtaý ministrligi ata-analarǵa mektep jasyndaǵy balalardyń durys tamaqtanýyn uiymdastyrý jóninde keńes berdi, dep habarlaidy ult.kz.
Vedomstvonyń málimetinshe, oqýshynyń kúndelikti tamaqtaný tártibine tańǵy as, tiskebasar, túski as, besin asy jáne keshki as kirgeni durys. Mektep jasy – balanyń qarqyndy ósip, damityn kezeńi bolǵandyqtan, teńgerimdi tamaqtaný onyń densaýlyǵy men oqý belsendiligine mańyzdy áser etedi.
Mamandar oqýshynyń ratsionynda:
kókónister men jemister;
sút jáne qyshqyl sút ónimderi;
et, balyq, jumyrtqa jáne burshaq daqyldary;
tutas dándi ónimder;
jetkilikti mólsherde taza sý bolýy qajet ekenin atap ótti.
Al qant, tuz jáne qanyqqan maiy kóp taǵamdardy, tátti gazdalǵan sýsyndar men fastfýdty shekteý usynylady.
Ministrlik balanyń tamaqtaný ýaqytyn da turaqty ustaý mańyzdy ekenin eskertti. Sondai-aq dastarqan basyndaǵy jaily orta men ata-ananyń durys tamaqtanýǵa qatysty jeke úlgisi balanyń paidaly ádet qalyptastyrýyna yqpal etedi.
