دەنساۋلىق ساقتاۋ مينيسترلٸگٸ اتا-انالارعا مەكتەپ جاسىنداعى بالالاردىڭ دۇرىس تاماقتانۋىن ۇيىمداستىرۋ جٶنٸندە كەڭەس بەردٸ, دەپ حابارلايدى ult.kz.
ۆەدومستۆونىڭ مەلٸمەتٸنشە, وقۋشىنىڭ كٷندەلٸكتٸ تاماقتانۋ تەرتٸبٸنە تاڭعى اس, تٸسكەباسار, تٷسكٸ اس, بەسٸن اسى جەنە كەشكٸ اس كٸرگەنٸ دۇرىس. مەكتەپ جاسى – بالانىڭ قارقىندى ٶسٸپ, داميتىن كەزەڭٸ بولعاندىقتان, تەڭگەرٸمدٸ تاماقتانۋ ونىڭ دەنساۋلىعى مەن وقۋ بەلسەندٸلٸگٸنە ماڭىزدى ەسەر ەتەدٸ.
ماماندار وقۋشىنىڭ راتسيونىندا:
كٶكٶنٸستەر مەن جەمٸستەر;
سٷت جەنە قىشقىل سٷت ٶنٸمدەرٸ;
ەت, بالىق, جۇمىرتقا جەنە بۇرشاق داقىلدارى;
تۇتاس دەندٸ ٶنٸمدەر;
جەتكٸلٸكتٸ مٶلشەردە تازا سۋ بولۋى قاجەت ەكەنٸن اتاپ ٶتتٸ.
ال قانت, تۇز جەنە قانىققان مايى كٶپ تاعامداردى, تەتتٸ گازدالعان سۋسىندار مەن فاستفۋدتى شەكتەۋ ۇسىنىلادى.
مينيسترلٸك بالانىڭ تاماقتانۋ ۋاقىتىن دا تۇراقتى ۇستاۋ ماڭىزدى ەكەنٸن ەسكەرتتٸ. سونداي-اق داستارقان باسىنداعى جايلى ورتا مەن اتا-انانىڭ دۇرىس تاماقتانۋعا قاتىستى جەكە ٷلگٸسٸ بالانىڭ پايدالى ەدەت قالىپتاستىرۋىنا ىقپال ەتەدٸ.
