Baǵdagúl synyqshy dep tanylǵan kelinshek áleýmettik jelide Baian Maqsatqyzyna qaita shúilikti, dep habarlaidy ult.kz.
Ol keshe ǵana ótken KeshYou tobynyń 20 jyldyq kontsertin jyn-oinaqqa teńedi.
«Masqara, qazaq qyzdaryna ne úlgi? Túngi klýbta júrý me? Qanshama ósip kele jatqan jastarǵa qandai úlgi? Úlken kólemde bundai ashyq-shashyq, beiádep kórinistermen, eshqandai mán-maǵynasyz keshti ótkizýge ne úshin ruqsat berýimiz kerek? Qasietti Qurban aitta musylman eli bola tura, mundai jyn-oinaqqa ne úshin ruqsat berýimiz kerek? Qazaq salt-dástúrimizge qaishy is-áreketterimen kópshilikke neni nasihattaǵysy keldi? Halyqty keleńsiz zańdarmen, aiyppul salyp jatqan úkimet ne qarap otyr? Basqa ózbek baýyrlar, qyrǵyz baýyrlar jáne taǵy basqa musylman elderi dál osyndai azǵyndyqqa jol bere me? Al bizdiń elde bailar oilaryna ne kelse, sony jasaýǵa bola ma? Qyzdarymyzǵa bolashaqta qandai úlgi? Búkil qazaq eliniń boiynda ar-namysy bar azamattar men azamatshalardy beijai qaramaýǵa shaqyramyz. Toqaevqa úndeý! Mundai ádepsiz shoý-kontsertterge zań júzinde tyiym jasalyp, toqtatylsyn!», - dep jazdy emshi.
