Tailandta ótip jatqan bokstan Aziia chempionatynda qazaqstandyq boksshy Tursynbai Qulahmet qarsylasyn 20 sekýndta utyp, finalǵa shyqty, dep habarlaidy "Ult aqparat".
75 keli salmaqtaǵy qazaqstandyq boksshy jartylai finalda túrikmenstandyq Nursahat Pazzyevty utty. Jekpe-jek bar-joǵy 20 sekýndqa sozyldy. Qulahmettiń týra siltegen jalǵyz joiqyn judyryǵy qarsylasynyń murnyn syndyryp, tóreshi jarysty birden toqtatty.
Aita keteiik, Qulahmet shirek finalda ózbekstandyq Israil Madrimovti jeńgen bolatyn. Ol kásipqoi boksta eki jekpe-jek ótkizip, «Qubyjyq» degen laqap atpen tanylǵan boksshy. Mine, búgin jartylai finalda da qarsylasyn ońai utty.
Esterińizge sala keteiik, osyǵan deiin Qazaqstan qorjynyna úsh qola medal túsken bolatyn. Olardy Temirtas Júsipov, Vasilii Levit jáne Sanatáli Tóltaev alyp keldi.
Jartylai finalǵa shyqqan qazaqstandyq boksshylardyń tizimi:
Erler:
49 keli. Temirtas Júsipov - Dipak (Úndistan)
60 keli. Zákir Safiýllin - Shiva Thapa (Úndistan)
64 keli. Sanatáli Toltaev - Bahodir Ýsmonov (Tájikstan)
75 keli. Tursynbai Qulahmet - Nursahat Pazzyev (Túrkmenstan)
81 keli. Bek Nurmaǵanbet - Erkin Adylbek ýýlý (Qyrǵyzstan)
91 keli. Vasilii Levit - Kim Hen Kiý (Ońtústik Koreia)
+91 keli. Qamshybek Qońqabaev - Satish Kýmar (Úndistan)
Áielder:
64 keli. Milana Safronova - Dan Dý (Qytai)
69 keli. Dariǵa Shákimova -Nien Chin Chen (Qytai)
81 keli. Fariza Sholtai - Pýdja Rani (Úndistan)
+81 keli. Lázzat Kúngeibaeva - Siaoli Iang (Qytai).
