تايلاندتا ٶتٸپ جاتقان بوكستان ازييا چەمپيوناتىندا قازاقستاندىق بوكسشى تۇرسىنباي قۇلاحمەت قارسىلاسىن 20 سەكۋندتا ۇتىپ, فينالعا شىقتى, دەپ حابارلايدى "ۇلت اقپارات".
75 كەلٸ سالماقتاعى قازاقستاندىق بوكسشى جارتىلاي فينالدا تٷرٸكمەنستاندىق نۇرساحات پاززىەۆتى ۇتتى. جەكپە-جەك بار-جوعى 20 سەكۋندقا سوزىلدى. قۇلاحمەتتٸڭ تۋرا سٸلتەگەن جالعىز جويقىن جۇدىرىعى قارسىلاسىنىڭ مۇرنىن سىندىرىپ, تٶرەشٸ جارىستى بٸردەن توقتاتتى.
ايتا كەتەيٸك, قۇلاحمەت شيرەك فينالدا ٶزبەكستاندىق يسرايل مادريموۆتٸ جەڭگەن بولاتىن. ول كەسٸپقوي بوكستا ەكٸ جەكپە-جەك ٶتكٸزٸپ, «قۇبىجىق» دەگەن لاقاپ اتپەن تانىلعان بوكسشى. مٸنە, بٷگٸن جارتىلاي فينالدا دا قارسىلاسىن وڭاي ۇتتى.
ەستەرٸڭٸزگە سالا كەتەيٸك, وسىعان دەيٸن قازاقستان قورجىنىنا ٷش قولا مەدال تٷسكەن بولاتىن. ولاردى تەمٸرتاس جٷسٸپوۆ, ۆاسيليي لەۆيت جەنە ساناتەلٸ تٶلتاەۆ الىپ كەلدٸ.
جارتىلاي فينالعا شىققان قازاقستاندىق بوكسشىلاردىڭ تٸزٸمٸ:
ەرلەر:
49 كەلٸ. تەمٸرتاس جٷسٸپوۆ - ديپاك (ٷندٸستان)
60 كەلٸ. زەكٸر سافيۋللين - شيۆا تحاپا (ٷندٸستان)
64 كەلٸ. ساناتەلٸ تولتاەۆ - باحودير ۋسمونوۆ (تەجٸكستان)
75 كەلٸ. تۇرسىنباي قۇلاحمەت - نۇرساحات پاززىەۆ (تٷركمەنستان)
81 كەلٸ. بەك نۇرماعانبەت - ەركين ادىلبەك ۋۋلۋ (قىرعىزستان)
91 كەلٸ. ۆاسيليي لەۆيت - كيم حەن كيۋ (وڭتٷستٸك كورەيا)
+91 كەلٸ. قامشىبەك قوڭقاباەۆ - ساتيش كۋمار (ٷندٸستان)
ەيەلدەر:
64 كەلٸ. ميلانا سافرونوۆا - دان دۋ (قىتاي)
69 كەلٸ. داريعا شەكٸموۆا -نيەن چين چەن (قىتاي)
81 كەلٸ. فاريزا شولتاي - پۋدجا راني (ٷندٸستان)
+81 كەلٸ. لەززات كٷنگەيباەۆا - سياولي يانگ (قىتاي).
