Atyraýda qaiyn jurtynyń tórt múshesin óltirgeni úshin ómir boiyna sottalǵan Sultan Sársemálievtiń burynǵy áieli Aqbaian Muqanǵalieva balalaryn kórdi. Bul týraly jýrnalist Janat Moldasheva áleýmettik jelidegi paraqshasynda jazdy, dep habarlaidy ult.kz.
Jýrnalistiń aitýynsha, qazirgi tańda Aqbaiannyń jaǵdaiyn onyń týystary baqylap otyr. Jaqyndarynyń sózinshe, ol aýrýhanadan úiine shyqqan. Buǵan deiin týystary Aqbaiannyń úige shyqqany týraly aqparatty ázirge jariialamaýdy suraǵan.
«Iá, Aqbaiandy baýyrlary balalaryna alyp barǵan. Óitkeni “Balalarym qaida? Saǵyndym” dep jii suraǵan. Bárin de tanyp tur deidi», – dep jazdy Janat Moldasheva.
Alaida Aqbaiannyń emin áli de jalǵastyrýy qajet. Onyń naqty diagnozy ázirge jariialanǵan joq. Eger densaýlyǵy túzelip, jaǵdaiy turaqtalsa, balalaryn óz qaraýyna berý máselesi qaralýy múmkin. Bul sheshimdi bilim bólimi janyndaǵy arnaiy komissiia qabyldaidy.
Jýrnalistiń málimetinshe, Aqbaianǵa ata-anasy men baýyrlarynyń qaitys bolǵany áli aitylmaǵan.
«Týystary Aqbaianǵa ata-anasy men baýyrlarynyń joqtyǵyn áli aitpaǵan. Eń aýyry osy», – dep jazdy ol.
Eske salaiyq, Atyraý oblysynda Sultan Sársemáliev tórt adamnyń ólimine qatysty is boiynsha ómir boiyna bas bostandyǵynan aiyrylǵan. Sot úkimi 2026 jylǵy 14 shildede shyqqan.
Al Aqbaian Muqanǵalievaǵa qatysty qylmystyq is keiin toqtatylǵany habarlanǵan.
