Atyraýda besinshi balasyn dúniege ákelgen áiel sábiimen birge perzenthanadan shyǵa almai otyr. Otbasynyń aitýynsha, buǵan nárestege BTsJ ekpesin saldyrýdan bas tartýy sebep bolǵan, dep habarlaidy ult.kz.
«Aq Jaiyq» basylymynyń jazýynsha, otbasy buǵan deiin tórt balasyna da vaktsina saldyrmaǵanyn, tiisti jazbasha bas tartýdy rásimdep, perzenthanadan kedergisiz shyqqanyn aitqan.
Atyraý qalalyq perzenthanasynyń túsindirýinshe, BTsJ salynbaǵan náresteni shyǵarý úshin ata-anasy men onymen birge turatyn barlyq adamnyń týberkýlezge tekserilgeni týraly anyqtama qajet.
Mekeme bul talaptyń vaktsinadan bas tartqany úshin jaza emes, náresteniń qaýipsizdigine qatysty sanitariialyq tártip ekenin atap ótti. Tiisti talap Densaýlyq saqtaý ministriniń 2020 jylǵy buiryǵymen bekitilgen týberkýlezdiń aldyn alý qaǵidalarynda kórsetilgen.
Qaǵidaǵa sáikes, BTsJ vaktsinasy salynbaǵan jańa týǵan náreste ata-anasy jáne birge turatyn barlyq adam týberkýlezge tekserilgeni týraly anyqtama usynǵan jaǵdaida ǵana perzenthanadan shyǵarylady.
