اتىراۋدا بەسٸنشٸ بالاسىن دٷنيەگە ەكەلگەن ەيەل سەبيٸمەن بٸرگە پەرزەنتحانادان شىعا الماي وتىر. وتباسىنىڭ ايتۋىنشا, بۇعان نەرەستەگە بتسج ەكپەسٸن سالدىرۋدان باس تارتۋى سەبەپ بولعان, دەپ حابارلايدى ult.kz.
«اق جايىق» باسىلىمىنىڭ جازۋىنشا, وتباسى بۇعان دەيٸن تٶرت بالاسىنا دا ۆاكتسينا سالدىرماعانىن, تيٸستٸ جازباشا باس تارتۋدى رەسٸمدەپ, پەرزەنتحانادان كەدەرگٸسٸز شىققانىن ايتقان.
اتىراۋ قالالىق پەرزەنتحاناسىنىڭ تٷسٸندٸرۋٸنشە, بتسج سالىنباعان نەرەستەنٸ شىعارۋ ٷشٸن اتا-اناسى مەن ونىمەن بٸرگە تۇراتىن بارلىق ادامنىڭ تۋبەركۋلەزگە تەكسەرٸلگەنٸ تۋرالى انىقتاما قاجەت.
مەكەمە بۇل تالاپتىڭ ۆاكتسينادان باس تارتقانى ٷشٸن جازا ەمەس, نەرەستەنٸڭ قاۋٸپسٸزدٸگٸنە قاتىستى سانيتارييالىق تەرتٸپ ەكەنٸن اتاپ ٶتتٸ. تيٸستٸ تالاپ دەنساۋلىق ساقتاۋ مينيسترٸنٸڭ 2020 جىلعى بۇيرىعىمەن بەكٸتٸلگەن تۋبەركۋلەزدٸڭ الدىن الۋ قاعيدالارىندا كٶرسەتٸلگەن.
قاعيداعا سەيكەس, بتسج ۆاكتسيناسى سالىنباعان جاڭا تۋعان نەرەستە اتا-اناسى جەنە بٸرگە تۇراتىن بارلىق ادام تۋبەركۋلەزگە تەكسەرٸلگەنٸ تۋرالى انىقتاما ۇسىنعان جاعدايدا عانا پەرزەنتحانادان شىعارىلادى.
