الماتىداعى كٶپتەن كٷتكەن «قالقامان» مەترو ستانتسيياسى 1 جەلتوقسانعا دەيٸن پايدالانۋعا بەرٸلۋٸ مٷمكٸن. قۇرىلىس-مونتاج جۇمىستارى تولىق اياقتالعان. قازٸر بەكەتتە ٸسكە قوسۋ-باپتاۋ جۇمىستارى جٷرگٸزٸلٸپ جاتىر, دەپ حابارلايدى ult.kz.
الماتى ەكٸمٸ دارحان ساتىبالدىنىڭ ايتۋىنشا, ستانتسييا اۋماعىن اباتتاندىرۋ جۇمىستارى دا اياقتالىپ, جولاۋشىلارعا ارنالعان شامامەن 400 اۆتوتۇراق ورنى جاسالعان.
«ستانتسييانى 1 جەلتوقسانعا دەيٸن ٸسكە قوسۋدى جوسپارلاپ وتىرمىز. بۇل – قالانىڭ كٶلٸك ينفراقۇرىلىمىن دامىتۋداعى ماڭىزدى قادام. الداعى ٷش جىلدا باتىس باعىتتا تاعى ٷش ستانتسييا سالۋ قاجەت», – دەدٸ قالا ەكٸمٸ.
«قالقامان» بەكەتٸنٸڭ قۇرىلىسى 2020 جىلى جوبالانىپ, 2022 جىلى باستالعان. الايدا قارجىلاندىرۋدىڭ تۇراقسىزدىعى جۇمىس قارقىنىنا ەسەر ەتكەن. قۇرىلىس كومپانيياسىنىڭ مەلٸمەتٸنشە, 2020 جىلى جوباعا 190 ملن تەڭگە, 2021 جىلى 600 ملن تەڭگە بٶلٸنگەن. ال 2022 جىلى مٷلدەم قارجى قاراستىرىلماعان.
نەگٸزگٸ قارجىلاندىرۋ 2023 جىلدان باستاپ جٷزەگە اسا باستاعان. اتاپ ايتقاندا, 2023 جىلى 9,2 ملرد, 2024 جىلى 2,3 ملرد, 2025 جىلى 28 ملرد تەڭگە بٶلٸنگەن. ال 2026 جىلعا تاعى 17 ملرد تەڭگە قاراستىرىلعان.
باستاپقىدا ستانتسييانى 2025 جىلى اشۋ جوسپارلانعان ەدٸ. الايدا قۇرىلىس مەرزٸمٸ كەيٸنگە شەگەرٸلٸپ, ٸسكە قوسۋ ۋاقىتى 2026 جىلعا اۋىستىرىلدى. بۇعان دەيٸن بەكەتتٸڭ دايىندىعى 99 پايىزعا جەتكەنٸ حابارلانعان.
جاڭا ستانتسييا پايدالانۋعا بەرٸلسە, مەترونىڭ تەۋلٸكتٸك جولاۋشىلار اعىنى تاعى 20 مىڭ ادامعا ارتادى دەپ كٷتٸلۋدە. ەندٸ كٶپ جىلدان بەرٸ سوزىلعان قۇرىلىستىڭ ناقتى قاشان اياقتالىپ, بەكەتتٸڭ جولاۋشىلارعا ەسٸگٸن اشاتىنى 1 جەلتوقسانعا دەيٸن بەلگٸلٸ بولماق.
