.jpg)
Foto: Ult.kz
8 mamyrda Astanadaǵy general de Goll eskertkishiniń aldynda Frantsiia elshisi Silvan Gioge myrza bes qazaqstandyq marqum partizanǵa marapattar tabystady, dep habarlaidy Ult.kz.
Medal jáne sertifikattarmen marapattalǵandar Ekinshi dúniejúzilik soǵys jyldarynda Frantsiianyń ońtústik-batysyn azat etý jolynda Qarsylasý qozǵalysy qatarynda shaiqasqan: Bektemir BAIJANOV, Nuranbai BAIMURATOV, Ahmet BEKTAEV, Óteýli BISENǴALIEV jáne Ahmet SÝBALOV boldy.
Frantsiianyń Qorǵanys ministri atynan Frantsiianyń Qazaqstandaǵy tótenshe jáne ókiletti elshisi tabystalǵan marapatty alýǵa qaharmandardyń urpaqtary keldi.
Foto: Ult.kz
Foto: Ult.kz
Foto: Ult.kz
Foto: Ult.kz
Foto: Ult.kz
«Seksen jyldan artyq ýaqyt buryn Frantsiia teritoriiasyn azat etýge qatysqan qazaqstandyq partizandardy eske alyp, olarǵa taǵzym etý biz úshin óte mańyzdy. Sebebi bizdiń jerimizdi azat etýge kómektesken qazaq partizandaryna alǵysymyz sheksiz jáne biz olardy eshqashan umytpaimyz. Bul Frantsiia tarihyndaǵy Qazaqstannyń rólin aishyqtaidy», – dedi Frantsiia elshisi Silvan Gioge.
Foto: Ult.kz
Elshi Frantsiia tarihynda Qazaqstannyń da zor úlesi bar ekenin aita kele, ony anyqtaýǵa kómektesken zertteýshi-ǵalym Gúlnár Meńdiqulovany erekshe atap ótti.
Is-sharada elshi Silvan Gioge Frantsiia jerin azat etýge at salysqan partizandardy anyqtaǵan professor Gúlnár Meńdiqulovaǵa Akademiialyq palma ordeniniń kavaleri belgisin tabystady.
Foto: Ult.kz
«Meni mundai joǵary dárejeli ordenmen marapattaitynyn estigende qýanyshtan kózime jas keldi. Mundai ordenmen marapattalǵandar Qazaqstanda sirek. Bul tek meniń jeke marapatym emes, bul – Qazaqstan men Frantsiia arasyndaǵy dostyqtyń kórinisi. Men bul marapatty Qazaqstan halqyna arnalǵan dep esepteimin. Sebebi bizdiń halyq rasymen de Ekinshi dúniejúzilik soǵysqa qatysqan, biz rasymen de Frantsiiany azat etýge, jalpy Ońtústik jáne Batys Eýropany fashizmnen azat etýge qatysqanbyz», – dedi Gúlnár Meńdiqulova.
Professor óz sózinde zertteýdi júrgizgenine birneshe onjyldyq bolǵanyn, jiyrmadan artyq shetel arhivterinde jumys atqarǵanyn aitty.
«Muraǵattardan qujattardy taýyp, Ekinshi dúniejúzilik soǵysqa qatysqan qazaqtar týraly qujattar jinaǵynyń eki tomyn jariialadyq», – degen Gúlnár Meńdiqulovanyń aitýynsha ózindegi bar derek boiynsha Frantsiiany azat etýge 350 adam qatysqan jáne derekter áli de tolyǵýda.
Frantsiiany azat etý jolynda Qarsylasý qozǵalysy qatarynda shaiqasqan Bektemir Baijanovtyń týysy Zinash Baijanova atasynyń erligi jóninde sóz qozǵady.
Foto: Ult.kz
«Fashisterge qarsy partizandar sabynda dáriger Bektaev, Jumanov degen kisilermen birge qarapaiym frantsýz halqyna meditsinalyq kómek kórsetip emdei júrip, aqparattar alyp, jeńisti jaqyndatýǵa úlesin qosqan kisilerdiń biri – bizdiń atamyz Bektemir Baijanov. Seksen jyl ótkennen keiin, Baijanovtar áýletindegi úlken estelikti kún bolyp tur búgin. Frantsýz halqy qanshama jyl ótse de ákelerimizdiń erligin baǵalap, keremet marapat berip otyrǵany bizge óte áserli bolyp otyr. Bizdiń Baijanovtar áýletinen osy jerge úsh urpaq kelip otyrmyz. Biz buny eshqashan umytpaimyz. Frantsýz halqy da umytpaǵanyna qýanyshtymyz», – dedi Zinash Baijanov.
Aita keteiik, ótken jyly Qadem Jumaniiazov, Qabysh Omarov jáne Áshimbek Istybaev esimdi qaharmandar marapattalǵan bolatyn. Biylǵy shara ekinshi ret ótip otyr. Elshiliktiń málimetinshe aldaǵy jyly da qazaq batyrlaryn marapattaý jalǵasyn tappaq.
Foto: Ult.kz
Saltanatty rásimge Syrtqy ister jáne Qorǵanys ministrlikteriniń joǵary laýazymdy ókilderi men ardagerler uiymdarynyń ókilderi qatysty.
Sharada partizandar urpaqtary Frantsiia elshisi Silvan Giogege shapan jaýyp, syi-siiapattaryn tabystap jatty.
Foto: Ult.kz
Baljan Jeńisqyzy
