استانادا فرانتسييانى ازات ەتكەن قازاق پارتيزاندارى ماراپاتتالدى

فوتو: Ult.kz

8 مامىردا استاناداعى گەنەرال دە گولل ەسكەرتكٸشٸنٸڭ الدىندا فرانتسييا ەلشٸسٸ سيلۆان گيوگە مىرزا بەس قازاقستاندىق مارقۇم پارتيزانعا ماراپاتتار تابىستادى, دەپ حابارلايدى Ult.kz. 

«سەكسەن جىلدان ارتىق ۋاقىت بۇرىن فرانتسييا تەريتوريياسىن ازات ەتۋگە قاتىسقان قازاقستاندىق پارتيزانداردى ەسكە الىپ, ولارعا تاعزىم ەتۋ بٸز ٷشٸن ٶتە ماڭىزدى. سەبەبٸ بٸزدٸڭ جەرٸمٸزدٸ ازات ەتۋگە كٶمەكتەسكەن قازاق پارتيزاندارىنا العىسىمىز شەكسٸز جەنە بٸز ولاردى ەشقاشان ۇمىتپايمىز. بۇل فرانتسييا تاريحىنداعى قازاقستاننىڭ رٶلٸن ايشىقتايدى», – دەدٸ فرانتسييا ەلشٸسٸ سيلۆان گيوگە.

«مەنٸ مۇنداي جوعارى دەرەجەلٸ وردەنمەن ماراپاتتايتىنىن ەستٸگەندە قۋانىشتان كٶزٸمە جاس كەلدٸ. مۇنداي وردەنمەن ماراپاتتالعاندار قازاقستاندا سيرەك. بۇل تەك مەنٸڭ جەكە ماراپاتىم ەمەس, بۇل – قازاقستان مەن فرانتسييا اراسىنداعى دوستىقتىڭ كٶرٸنٸسٸ. مەن بۇل ماراپاتتى قازاقستان حالقىنا ارنالعان دەپ ەسەپتەيمٸن. سەبەبٸ بٸزدٸڭ حالىق راسىمەن دە ەكٸنشٸ دٷنيەجٷزٸلٸك سوعىسقا قاتىسقان, بٸز راسىمەن دە فرانتسييانى ازات ەتۋگە, جالپى وڭتٷستٸك جەنە باتىس ەۋروپانى فاشيزمنەن ازات ەتۋگە قاتىسقانبىز», – دەدٸ گٷلنەر مەڭدٸقۇلوۆا. 

«مۇراعاتتاردان قۇجاتتاردى تاۋىپ, ەكٸنشٸ دٷنيەجٷزٸلٸك سوعىسقا قاتىسقان قازاقتار تۋرالى قۇجاتتار جيناعىنىڭ ەكٸ تومىن جارييالادىق», – دەگەن گٷلنەر مەڭدٸقۇلوۆانىڭ ايتۋىنشا ٶزٸندەگٸ بار دەرەك بويىنشا فرانتسييانى ازات ەتۋگە 350 ادام قاتىسقان جەنە دەرەكتەر ەلٸ دە تولىعۋدا.

فوتو: Ult.kz

«فاشيستەرگە قارسى پارتيزاندار سابىندا دەرٸگەر بەكتاەۆ, جۇمانوۆ دەگەن كٸسٸلەرمەن بٸرگە قاراپايىم فرانتسۋز حالقىنا مەديتسينالىق كٶمەك كٶرسەتٸپ ەمدەي جٷرٸپ, اقپاراتتار الىپ, جەڭٸستٸ جاقىنداتۋعا ٷلەسٸن قوسقان كٸسٸلەردٸڭ بٸرٸ – بٸزدٸڭ اتامىز بەكتەمٸر بايجانوۆ. سەكسەن جىل ٶتكەننەن كەيٸن, بايجانوۆتار ەۋلەتٸندەگٸ ٷلكەن ەستەلٸكتٸ كٷن بولىپ تۇر بٷگٸن. فرانتسۋز حالقى قانشاما جىل ٶتسە دە ەكەلەرٸمٸزدٸڭ ەرلٸگٸن باعالاپ, كەرەمەت ماراپات بەرٸپ وتىرعانى بٸزگە ٶتە ەسەرلٸ بولىپ وتىر. بٸزدٸڭ بايجانوۆتار ەۋلەتٸنەن وسى جەرگە ٷش ۇرپاق كەلٸپ وتىرمىز. بٸز بۇنى ەشقاشان ۇمىتپايمىز. فرانتسۋز حالقى دا ۇمىتپاعانىنا قۋانىشتىمىز», – دەدٸ زيناش بايجانوۆ.