Foto: Aqorda
Prezident Qasym-Jomart Toqaev Altyn Orda tarihyna qatysty arheologiialyq, jazba jáne mádeni jádigerler qoiylǵan ekspozitsiiany aralap kórdi, dep habarlaidy Ult.kz.
Memleket basshysyna 70 arheologiialyq jáne sáýlettik eskertkishti qamtityn interaktivti karta, sonyń ishinde 17 nysanǵa keńeitilgen sipattama, áýeden túsirilgen fotosýretter men 3D-vizýalizatsiia kórsetildi.
Kórmedegi negizgi jádigerlerdiń biri – dáýir bileýshileri men tarihi tulǵalar týraly genealogiialyq málimetterdi qamtityn «Handar shejiresi» atty qoljazba.
Sonymen qatar Katalon atlasy, jazba derekter, teńgeler jáne turmystyq buiymdar bar. Jazba muralar arasynda 3 jarlyq, 4 diplomatiialyq hat pen 21 qoljazba túpnusqa jáne elektrondy formatta usynylǵan.
Kórmeniń maqsaty – Altyn Ordanyń tarihi-mádeni murasyn jan-jaqty nasihattaý jáne onyń ǵylymi zertteý aiasyn keńeitý.
