Tanymal bloger Arman Iýsýpovtyń ákesi otbasynda urpaqtan-urpaqqa jetken qyzyqty oqiǵany aityp berdi. Onyń sózinshe, qazaqtyń uly aqyny Abai Qunanbaiuly olardyń arǵy atasy Túsipke bir kezderi úlken kómek kórsetken, dep habarlaidy ult.kz.
Arman Iýsýpovtyń ákesi baiandaǵan oqiǵaǵa qaraǵanda, Túsiptiń otbasy kópbalaly bolǵanymen, aǵaiyndarynyń arasynda turmysy eń tómeni sol kisi eken.
Birde olardyń úiine aǵasy Abai Qunanbaiuly qonaqqa kelip, túnep shyǵady. Qazaqtyń qonaqjailyq dástúrin ustanǵan otbasy bar malyn soiyp, aqyndy kútedi. Ol kezde qoldarynda bar bolǵany bir buzaý ǵana bolǵan eken. Sony soiyp, qonaqqa qurmet kórsetedi.
Alaida tańerteń oianǵanda Abaidyń ketip qalǵanyn kóredi. Túsip aqynǵa kóńili tolmai qalǵan bir nárse boldy ma dep ýaiymdap júredi.
Arada eki aptadai ýaqyt ótkende Abaidan kútpegen syilyq keledi. Aqyn Túsipke 12 bie men bir aiǵyr jibergen eken.
«Ol zamanda bul qazir million dollar alǵanmen birdei bolǵan shyǵar», – deidi blogerdiń ákesi.
Osy syilyqtan keiin Túsiptiń turmysy túzelip, dáýleti arta bastaǵan. Keńes ókimeti ornaǵanǵa deiin onyń 300-ge jýyq jylqysy, 200-dei siyry jáne birneshe myń qoiy bolǵan kórinedi.
Osylaisha, Abai Qunanbaiulynyń bir rettik kómegi Túsip áýletiniń turmysyn túbegeili ózgertken otbasylyq estelik retinde urpaqtan-urpaqqa jetken.
