Astanada «Jańa adamdar» qozǵalysynyń belsendileri «124» azamattyq naýqany aiasynda áleýmettik eksperiment júrgizdi. Olar áleýmettik jelide 12 jastaǵy qyzdyń atynan jalǵan paraqsha ashyp, oǵan kimder habarlasatynyn teksergen, dep habarlaidy ult.kz.
Belsendilerdiń aitýynsha, akkaýnt ashylǵannan keiin kóp uzamai oǵan ondaǵan eresek er adam hat jaza bastaǵan. Keibiri tanysýǵa niet bildirse, endi biri kámeletke tolmaǵan qyzben jeke sipattaǵy áńgime júrgizýge tyrysqan.
1997 jáne 1994 jyly týylǵan eki er adam qyzben kezdesýge kelgen. Biraq olardyń bir top erikti kútip aldy. Er adamnyń biri
«pák qyz izdedim» dep jaltardy. Olardy politsiia alyp ketti.
Qozǵalys ókilderi bul tájiribe arqyly internettegi balalardyń qaýipsizdigine qatysty máselege nazar aýdarýdy maqsat etken. Olardyń pikirinshe, áleýmettik jelide balanyń jasyn anyqtaý jáne ony kúmándi adamdardan qorǵaý tetikterin kúsheitý qajet.
Belsendiler mundai jaǵdailardyń aldyn alý úshin ata-analarǵa balalardyń internettegi belsendiligin baqylaýǵa, beitanys adamdarmen hat almasý qaýpin túsindirýge jáne kúmándi akkaýnttar týraly tiisti organdarǵa habarlaýǵa shaqyrdy.
